زیباترین پدیده ی خلقتدی فاطمه #فاطمیه_سیفی_اردبیلی

جلالت انسیه ی حورا،حضرت زهرا(س)
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
زیباترین پدیده ی خلقتدی فاطمه
بارزترین نمونه ی عصمتدی فاطمه
.
آیینه دور گوزلّیگینه ذوالجلالینون
اسطوره ی وقار و شرافتدی فاطمه
.
پیغمبر ئوپدی اللرینی سویلدی قیزیم
بوسه الوندن عین عبادتدی فاطمه
.
سن کوثر جمال و کمال الهی سن
حسنون تمام خلقته نعمتدی فاطمه
.
محبوبه خلق ائدوب ئوزینه لامکان سنی
حقون رضاسی سندن اطاعتدی فاطمه
.
بال ملکلره یازیلوب نور نابیله
مسند نشین روز قیامتدی فاطمه
.
آدم سنه توسل ائدوب تاپدی مغفرت
حوّا قاپوندا سائل رحمتدی فاطمه
.
زینب کیمی مجاهده میدان عشقیده
داناترین مدرّس غیرتدی فاطمه
.
مریم یقیندی سندن آلوب درس عفتی
نفس زکیه سندن عبارتدی فاطمه
.
سن هاجرین یتیردون الین فیض زمزمه
عالم سنه طفیل کرامتدی فاطمه
.
سنسیز نه گلشنون نه گلون وار طراوتی
جنت سنون قاپوندان عبارتدی فاطمه
.
چشم امید شیعه لرون روز محشره
سنده اولان جواز شفاعتدی فاطمه
.
.
#فاطمیه_مدح
#زیباترین_پدیده_خلقتدی_فاطمه
#سیفی_اردبیلی
#ترکی
.
✍️ #زبدةالاشعار ✍️
.
🆔: @nohe_torki