زینبا عازم دعوادی حسین گل یولا سال #وداع_عینی_فرد

وداع امام حسین (ع)
..
..
..
..
#سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک … #سبک_ای_منیم_آرخام_ایلیم (با اضافه کردن واگیر)
..
..
..
..
عینی فرد زنجانی
..
..
..
..
..
زینبا عازم دعوادی حسین گل یولا سال
ئولمگه ایندی مهیّادی حسین گل یولا سال
..
..
..
..
..
بیر به بیر گیتدی کمک لر گیدورم منده باجی
ایش قالوب ایندی بو صحراده داخی سنده باجی
من شهید اولام اوزون قانیمی ایت زنده باجی
قورخی یوخ قلبی توانادی حسین گل یولا سال
..
..
..
..
..
اللى ایل دور توخیوبدور منه بیر کوینک آنام
سویسالار پیکر مجروحیمی بو فرقۀ شام
او کفندور منه ویر ایندی گیوم پشت خیام
غم یمه عجزه مُبرّادى حسین گل یولا سال
..
..
..
..
..
گل منی قزلار الیندن باجی جان آل یولا سال
سایه وی باشیمون اوسته گیدورم سال یولا سال
دوزه بُلسن قولووی بوینوما سال قال یولا سال
تشنۀ وصلت طاهادی حسین گل یولا سال
..
..
..
..
..
گورمسون دهریده خوش گون سنی مندن آیران
خالقون قهرینه دوشسون سنی مندن آیران
زندگی مشعلی سونسون سنی مندن آیران
چاره یوخ راهی عقبادی حسین گل یولا سال
..
..
..
..
..
منی دنیاده زیاد اوغلى مُخیّر ایلدی
یا یزیده ایلیم بیعت او کافر ایلدی
دوغرانام یا که خداوند مقدّر ایلدی
اودی که عازم هیجادی حسین گل یولا سال
..
..
..
..
..
بو هدف اوسته داغلدی گوروسن شوکتیمیز
قانلی دریاده یاتوب لشگریمیز دولتیمیز
قالدی بیرده باجی عقبایه گوزل رؤیتیمیز
سرور یثرب و بطحادی حسین گل یولا سال
..
..
..
..
..
قدمیندن قدمین آتموری مرکب گوره سوز
گلشن عشق و حیاتیمده گلوب گول دره سوز
بوسه باران ایده سوز قتلگهه گوندره سوز
قاصد حیدر و زهرادی حسین گل یولا سال
..
..
..
..
..
باخشیمدان بلوسن غصه مین اندازه سینی
یاندیرور قارداشیوی باخما چخاتمور سسینی
آز قالوب سندیرا روحیم بو فنا محبسینی
عازم جنّة الاعلادى حسین گل یولا سال
..
..
..
..
..
بو گجه محضر جانانه گیدن جانم من
اوخی قرآن گیدورم واصل جانانم من
روح قرآنم اوزوم دینه نگهبانم من
جانشین ایلدی سجّادی حسین گل یولا سال
..
..
..
..
..
گون منیم ذرّۀ ذرات وجودیمدندی
گون باتار من چخارام نیزیه جودیمدندی
انبیا واله و حیران او سجودیمدندی
آختارور خنجر جلّادی حسین گل یولا سال
..
..
..
..
..
طُلقازاده لرون اُفّ اولا بد عادتینه
ال آچوبلار شرف و معدلتون غارتینه
آند اولا هم آتامون هم آنامون غیرتینه
سسلنوب دهریده آزادی حسین گل یولا سال
..
..
..
..
..
قویماروخ دین آدینا ضربه وورا اسلامه
اوخوروخ نیزه و محملده دیانت نامه
گرگ درّنده نی قویمام گیه دینی جامه
یخاجاق کاخنی دریادی حسین گل یولا سال
..
..
..
..
..
صبر ایله نیزه ده گورسن یارالی باشیمی سن
یا طبقده گوروکن وقتده قارداشیمی سن
آغلاسان گوزده گوررسن باجی قان یاشیمی سن
گوروب هر محنتِ اولادی حسین گل یولا سال
..
..
..
..
..
دست بیعت بو حسین ویرمدی هیچ نامرده
سهل دور باش گیده اللرده دوشه بی پرده
بونی شعره چکه لازمدی که «عینی فرده»
دفتر و شعرینه امضادی حسین گل یولا سال
..
..
..
..
..