زبدةالاشعار

چون یتوشدی آل طاها گوزی یاشلی قتلگاهه #کوچ_کربلا #احمد_فاخر

کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم میرزا احمد فاخر تبریزی
.
چون یتوشدی آل طاها گوزی یاشلی قتلگاهه
آلیشوب زمانه یاندی نه که وار شرارآهه
.
.
دولانوب باخاردی زینب او مکاندا هر گذاره
تاپا بلکه قارداشینی او ملول قلبی یاره
قان ایچینده گوردی تا که تن پاکی پاره پاره
باشا ووردی قیلدی نوحه او غریب پادشاهه
.
.
نه گوروب او نازلی جانه او قدر ووروبدولار اوخ
بدنینده زخم پیکان عدد ستاره دن چوخ
وورولوب باشی جدایه سویولوب لباسی هم یوخ
نه ویروبله بیر ایچیم سو او شهید بی گناهه
.
.
دیدی باخ نجه سرشکیم توکولور یوز اوسته قارداش
نه بدنده واردی باشون بیرآلیم دیز اوسته قارداش
سنی کیم سالوب یارالی بو جوره یوز اوسته قارداش
بو نجه ستمدور اولدی سن شاه بی سپاهه
.
.
دولانوب گزردی لیلا هامی نعشلر آراسین
نجه بیر یارالی آهو گزوب آختارور بالاسین
بالاسین تاپاندا چکدی ایله وای اوغول صداسین
شرر فغان و آهی چو یتوشدی مهر و ماهه
.
.
دیدی ای عزیز جانیم منی ئولدورر بو داغون
ایلیوبدی قاره محمل علی قاره پوش اطاقون
سنون ایمدی اوز قانوندان بویانوبدی ال ایاقون
کفن اولدی بو لباسون تن نازنین نگاهه
.
.
ندی گوزیاشیله «فاخر» دللّره شراره سالدون
بو سوزیله اهل بزمین بیله سن توانین آلدون
گینه آرزوی دید حرم حسینده قالدون
سبب اولدی دلده دایم بو قدر بو سوز آهه
.
.
.
.
.
#کوچ_کربلا #احمد_فاخر
#چون_یتوشدی_آل_طاها_گوزی_یاشلی_قتلگاهه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گوز بولاقیندان آخان گوز یاشی شربتدی منه #حسینیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی