قتلگاه
.
✍️ #زبدةالاشعار ✍️
.
🆔: @nohe_torki
.
#سبک_دل_شب_ایلیوب_سفر … 4 سبک
.
.
حاج اصغر فرشچی ( عدلی تبریزی)
.
غریب نینوایه باخ عدو ایدن جفایه باخ
نظرده آل چوخوریری شهید کربلایه باخ
یارالیدی یارالیدی
او فاطمه مارالیدی
.
.
ای شیعه سیرایت فکریده کربو بلاده داده باخ
دوروبدی باشی اوسته شمر اول قان توکن جلاده باخ
حسین آچوبدی جانماز قیامه باخ سجاده باخ
ایدوبدی ترک خانمان قبیله دن آرالیدی
.
.
دیلینده ذکر حق دیور او رازه باخ نیازه باخ
او یرده قانیلن آلان او قانلی دستمازه باخ
یوز اوسته سجده گاهیده حسین قیلان نمازه باخ
یتوبدی عهدی آخره اوز عهدینه وفالیدی
.
.
گیدور خدا چوخور یره الی باشیندا زینبی
گوره نجور باتوب قانا آچا ن او دینی مکتبی
گوروب افول ایدر ولی یراوسته ماه وکوکبی
ویروبلا چوخ یاراسی وار آخور قانی یارالیدی
.
.
گورنده شمردون گلور آیروماقا حسین باشین
قالوب نه حالته اودم قوجاقلیوبدی قارداشین
دوتوبدی شمرخنجرین عذاره توکدی گوزیاشین
دئدی او شمره ای دنی بو فاطمه مارالیدی
.
.
کسیلمه میش حسین باشی کسیلدی زینبین الی
ایدوبدی کشمکش نقدر اودخت مرتضی علی
ویروب نشان شجاعتین اسوبدی قاره یل ولی
ذبیح من قفا اولان ثمر ویرن نهالیدی
.
.
بحر عطاده بو حسین دُر گران عیار دور
درگاهینه محتاج اولان شاهان تاج دار دور
بوش سائلی سالماز یولا شأنیده شهریار دور
مدینه ده گوزون آچوب ندندی کربلالیدی
.
.
کسیلدی تا حسین باشی گوروشدی قانلی یل اسر
یازاندا (عدلی) بو سوزی سرشگی چشمیدن الر
دئیر حسینه عاشقم غمی بو قلبیمی دلر
حسین شهید کربلا نقدری با جلالیدی
یارالیدی یارالیدی او فاطمه مارالیدی
.
(رباعی)
یا حسین مظلوم
قورولان سندن اوتورمحفل غم خانه وه باخ
دورشمع اوسته یانان پرلری پروانه وه باخ
کربـلاحسرتی دیلده قوتولورعمروم آقا
غمیلن قلبی دولان عاشق دیوانوه باخ
.
#حسینیه_عدلی_تبریزی
#حسینیه_شهادت
#غریب_نینوایه_باخ_عدو_ایدن_جفایه_باخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید