زینبون قارداش گلوب تنگه غم ایامدن #کوچ_کربلا_سعدی_زمان

کوچ از کربلا
زبانحال حضرت زینب (س) در قتلگاه
..
..
..
..
مرحوم سعدی زمان
..
..
..
..
زینبون قارداش گلوب تنگه غم ایّامدن
تیره گوندور عالم معناده صبحی شامدن
قارداش غم ایّامدن
..
..
..
..
دوشمشم بیر بی دوا درده دگل درمان پذیر
نه علاجیم وار نه چارم اولموشام شمره اسیر
قیزلارون برگ خزان تک خوف اعدادن اسیر
داد اسارتدن امان ظلم سپاه شامدن
..
..
..
..
بیر نفر یوخدورمنه اولسون بو چولده دادخواه
شمره یالوارسون دیسون ای بیحیای دین تباه
بیر نفر قارداشسیز عورت ایلیوبدورنه گناه؟
ال گوتورمورسن بو رنجور غم و آلامدن
..
..
..
..
ویرسه لر مهلت آنام اوغلی بو اشرار زمن
زلفیمی یولّام یارالی جسموه قیلام کفن
نیلسون بیکس باجون یوخدورسسینه سس ویرن
مرغ بسمل تک دویوب جانه فشاردامدن
..
..
..
..
شمر قویمور بیر دویونجا زینبون زلفین یولا
سسلنور دور کاروانی لنگه وورما دوش یولا
باغلانوبدور ظلم الیله اهل بیتون قول قولا
طاقت و صبر و تحمل سلب اولوب ایتامدن
..
..
..
..
قلب زینب مین خدنگ محنته آماج اولوب
ایله بیر نحویله قارداش خیمه لر تاراج اولوب
حضرت زهرا قیزی بیر معجره محتاج اولوب
گور گیچر بو ظلم لر افکاردن اوهامدن
..
..
..
..
من اسارت پرچمین کوی وفاده ساچمشام
زینبیّت قیدینی اوز گردنیمدن آچمشام
بو گیچن گون خیمه دن میدانه از بس قاچمشام
اولموشام خسته برادر دوشموشم آرامدن
..
..
..
..
اوندا کیم ال تاپدی دشمن سنکیمی قارداشیمه
بیر یانان خرگاهده یغدیم عیالون باشیمه
ایلدیم برپا اساس ماتم آل هاشمه
گیچدی داد و شیونیم چرخ زمرّد فامدن
..
..
..
..
آج سوسوز یورقون اوشاقلار باشلادی شیون تمام
تاپمادیم چاره دینده قیزلارون قارداش آجام
کافر ایتمز ایلدی اول ظلم لر کیم اهل شام
چوخ تعجب دور ایله بیر آدلاری اسلامدن
..
..
..
..
ای کواکبدن اولان افزون بدنده یاره سی
وی حسینی لر پناهی چاره سیزلر چاره سی
اودلانوبدور بو «حسینی» نین دل صد پاره سی
شکوه سی وار بیر نفر مرتدّ و بدفرجامدن
..
..
..
..
#کوچ_کربلا_سعدی_زمان #کنزالحسینی2 #ترکی #زبدةالاشعار