زینبیم آز آغلا ای آنام نشانی

زبانحال حضرت اباعبدالله به خواهرش در موقع وداع
.
#زبدةالاشعار
.
: @nohe_torki
.
#سبک_دولدوروب_جهانی
مشابه

.
حاج حسین حسنی تبریزی
.
زینبیم آز آغلا ای آنام نشانی
توکمه اشک چشمون آیرلوق زمانی
سن بتوله مظهر سن
یوخ آنام آنام سن سن
زینبیم آز آغلا (2)
.
.
قوم کینه قلبون داغلیاندا آغلا
باشوین قراسین باغلیاندا آغلا
سویگلوم رقیّه آغلیاندا آغلا
وئر بالاما دلداری
قیزلارین پرستاری
زینبیم آز آغلا (2)
.
.
سعی ایله آزالسون گوزده اشک آلون
قیزلارین یانندا پوزما بیله حالون
یوخ منی دویونجا گورماقا مجالون
یاندروب منی یاخما
قیزلارا طرف باخما
زینبیم آز آغلا (2)
.
.
باشه یتمیوبدى باشوون بلاسی
قارداشون حسینین چوخدی ماجراسی
همت ایله قویما خوار اولا عزاسی
مادر مصائب سن
سن آناما نائب سن
زینبیم آز آغلا (2)
.
.
بیر او قدری گیچمز ختم اولار شهادت
یر تزلزل ایلر باشلانار قیامت
هلهله ایده لر اشقیا جماعت
خیمیه گلر لشگر
غارت ایلسون معجر
زینبیم آز آغلا (2)
.
.
ایندیدن بلایه عادت ایله زینب
قیزلاری سویوندور همت ایله زینب
باشلارینا ال چک رأفت ایله زینب
گلمسونلر افغانه
گوز یاشون دونرقانه
زینبیم آز آغلا (2)
.
.
امر اولار او ساعت لشگر ظلامه
بی حیا جماعت اود ویرار خیامه
خیمه لر یاناندا حافظ اول امامه
صبر ناقه سین پیله
خیمه دن کنار ایله
زینبیم آز آغلا (2)
.
گللریم بو چولده توش اولاندا خاره
نیش خار ایدنده هر ایاقی یاره
یاره لی ایاقه ایله فکر چاره
سن حسینه نایب سن
قزلارا مواظب سن
زینبیم آز آغلا (2)
.
.
ای آنام بتولین یادگاری زینب
قارداشون حسینون افتخاری زینب
نیلی ایلمه بو گل عذاری زینب
ورما گل یوزه سیلی
ایلمه باجی نیلی
زینبیم آز آغلا (2)
.
.
اوندا کی قرانلوق دوتدی شش جهانی
سعی ایله چوخالسون قلبوین ثباتی
بیر یانان چادردا باشه یغ بناتی
قالماسونلارا للرده
ئولمه سونله چوللرده
زینبیم آز آغلا (2)
.
.
باجی دوزدی دوزمز قارداشى ئلنده
بیقرار اولار چوخ دردینی بولنده
گلمه قتلگاهه ساربان گلنده
بوغمیم سنه چوخدی
گورمه اللریم یوخدی
زینبیم آز آغلا (2)
.
.
.
#وداع_حسنی_تبریزی
#حسینیه_وداع
#زینبیم_آز_آغلا_ای_آنام_نشانی
#ترکی
.
#زبدةالاشعار
.
: @nohe_torki
.