زینبیم بو صحرا وادی بلادی #ورود_کربلا_تابع_تبریزی

ورود به کربلا
.
.
#سبک_دولدوروب_جهانی …
.
.
مرحوم تابع دین
.
.
زینبیم بو صحرا وادی بلادی
کعبۀ حقیمت یعنی کربلادی
گوللریم سولان یردی
باغرى قان اولان یردی
ای آنام نشانی
.
.
اکبر جوانیم دوغرانار بو یرده
اصغر لب عطشان اوخلانار بو یرده
سوزغم دله سالّام
اوزگه حالته قالّام
ای آنام نشانی
.
.
قان اولار بو یرده قاسمون حناسی
طوی گونونده زینب باشلانار عزاسی
نوعروسی قان آغلار
قلبینی بو غم داغلار
ای آنام نشانی
.
.
جان ویرر بو یرده یاور وفادار
ایسی گون ایوینده یاره لر سیزیلدار
لشگر جفا پرور
اوینادالّار آت یکسر
ای آنام نشانی
.
.
ظلمیله بویالّار قانه سر سپاهی
آغلادار ملالی گویده مهر و ماهی
پرچمی یاتار زینب
مقصده چاتار زینب
ای آنام نشانی
.
.
ای باجی بو یرده قانه من بویانّام
دین حق یولوندا هر غمه دایانّام
قان اولار گوزون یاشی
گتسه قارداشون باشی
ای آنام نشانی
.
.
ترک ایلدیم من ای باجی منانی
قصد ایلدیم من دشت کربلانی
واردی حقّیدن فرمان
بوردا من ویرم قربان
ای آنام نشانی
.
.
باجی بوردا اولّام تشنه دینه قربان
ئولمسم دیریلمز بیرده حکم قرآن
من بو یرده مهمانم
دین حقّه قربانم
ای آنام نشانی
.
.
بوردا اهل کینه چوخ جسارت ایلر
خیمیه قویار یوز قصد غارت ایلر
قزلاریم گلر داده
یا لوارولّا سجاده
ای نام نشانی
.
.
تابع دین الده خامه دلده آهی
عمرونی گچیردر بیله سال و ماهی
بیزده دور گوزی زینب
یا حسین سوزی زینب
ای آنام نشانی
.
.
#ورود_کربلا #تابع_تبریزی #ترکی #زبدةالاشعار