امان نامه
زبانحال حضرت عبّاس (ع) با امام حسین (ع)
..
..
#سبک_بزم_عزاده_گیمیشم
..
..
عینی فرد زنجانی
..
..
قارداش حسین ای آدینا انبیا محتاج
عشق عالمندن گل منی ایلمه اخراج
من دیمم سردارم
بلکه بیر غمخوارم
..
..
دام بلا قوردی منه دشمن مزدور
شاها دگل مقدور اولام درگهوندن دور
اولموش گوزومده شمر دون تا ابد منفور
ایلولّه صبریم خرمنین گور نجه تاراج
من دیمم سردارم
بلکه بیر غمخوارم
..
..
اوتوز بش ایلدی درگهون سرپناهیمدور
جّنتدن اعلا گوزده و بارگاهی مدور
هر ایکی عالم فاطمه اوغلی شاهیمدور
قارداش یولوندا ایلرم باش و جان حراج
من دیمم سردارم
بلکه بیر غمخوارم
..
..
گتدی امان نامه منه شمر بدسیرت
جردیم اونی توکدوم یره ای شه امت
شمره یزیده ایلدوم تلّده لعنت
قلبیم اولوبدور محنتین تیرینه آماج
من دیمم سردارم
بلکه بیر غمخوارم
..
..
ای ذوالفقارین صاحبی مصطفی اوغلی
سیزدن مگر آیری دوشر مرتضی اوغلی
ای کوثرین بو دهریده کیمیا اوغلی
باطلدی یوللار سیّدی جز سیزون منهاج
من دیمم سردارم
بلکه بیر غمخوارم
..
..
شمرون گلنده نعره سی چوخ اوتاندوم من
اللهیم عالمدى نجه ایلدوم شیون
آز قالدی خجلتدن ئولم خیمه ده بیردن
روحیم خجالت ایلیه جنته معراج
من دیمم سردارم
بلکه بیر غمخوارم
..
..
شافع گتورّم اکبری محضره مولا
آلّام قوجاقه اصغری ای ملک سیما
بوللار وساطت ایلسه واقفم آقا
عفو ایلیرسوز گوزیاشیم اولماسون مواج
من دیمم سردارم
بلکه بیر غمخوارم
..
..
..
ابر خجالتده قالا قویمیون ماهی
عرشه اوجالموش گور نجه ماهیوین آهی
مقصوده قویمام چاتماقا شمری واللهى
اولسون قد زینب کمان قد دشمن کاج
من دیمم سردارم
بلکه بیر غمخوارم
..
..
چوخ سعی قیلدوم بی صدا حل اولا مطلب
نه خرداجا قزلار بله نه بله زینب
اما خجالت اولدوم ای سرور اطیب
غوغادی قارداش ایلورم درده استعلاج
من دیمم سردارم
بلکه بیر غمخوارم
..
..
ساعات سخت امتحان باشلانوب گوردوم
آل عبا امنیتی داشلانوب گوردوم
نازلی رقیه گوزلری یاشلانوب گوردوم
قورخور اوشاقلار وای منه یانموشام چون ساج
من دیمم سردارم
بلکه بیر غمخوارم
..
..
اولموش گلوگیر آغلاشور عترتون باهم
یأسه مبدّلدور امید خیمه ده کم کم
روحیه لر الدن گیدوب شرمیدن ئولم
جانیم چخار تندن حسین هم سوسوز هم آج
من دیمم سردارم
بلکه بیر غمخوارم
..
..
نوکر قاپوندا اولماقا فخر ایدر موسیٰ
اولسون غلام درگهون عشقی وار عیسی
قربان سنه جانیم دیوب حضرت طاها
آغلار سنه حلّ و حرم کعبه و حجّاج
من دیمم سردارم
بلکه بیر غمخوارم
..
..
..
#امان_نامه #عینی_فرد #عباسیه_عینی_فرد #عباسیه_شهادت #عباسیه #ترکی #زبدةالاشعار
نظر دهید