در اوصاف حضرت زهرا سلام الله علیها
«فاطمه نین الینده دی …»
.
✍️ #زبدةالاشعار ✍️
.
🆔: @nohe_torki
.
نصیری مراغه ای
.
زینت کل ماسوا اهل کسا فضیلتی
وحی ندای انبیا ختم نبی رسالتی
روح کلام اوصیا آل علی شرافتی
سطوت تیغ مرتضی شیرخدا شجاعتی
حلم امام مجتبی حسن جمال و طلعتی
نهضت سرخ کربلا، زین العباد عبادتی
میوه باغ مصطفی فاطمه نین الینده دی
.
.
حکمت و علم باقری ،مکتب فقه جعفری
مذهب پاک شیعه نین، راهبر و سُخنوری
موسی کاظمین اولان ،حبسیده صبر اکبری
محبس سِندی دولدوران،نوره جمال انوری
یا فلک امامتین ،سگیزیمینجی اختری
ضامن آهو اولماقی، معجزه های دیگری
حضرت خیرة النسا ،فاطمه نین الینده دی
.
.
جود محمدتقی، نور دودیدۀ رضا
آینۀ جمال حق، مفخر کل اتقیا
رأفت هادی النقی،خلق جهانه رهنما
(دهّم)هشت وچاریدور شیعیه مأمن علا
موهبت و متانتین، عجز ائلیور قلم یازا
نطقی کلام کبریا قهری خشونت خدا
حسن خصال اؤلیا، فاطمه نین الینده دی
.
.
هادی زکیّ و عسکری باب امام منتظر
وارث سبط مصطفی سرور و سیدالبشر
عمرینین اکثری چاتیب، حبسیده باشه وارخبر
مونسی اولدی سلسله ،دایم الردی اشک تر
گون دولانیب زمان گئچیب، شام بلا اولوب سحر
شعبان آییندا بیرگولون عطرین آلیبدی بحروبر
کشتی عشقه ناخدا،فاطمه نین الینده دی
.
.
کاش دوباره لطف ائده شیعیه بیرحق غفور
حجت حقینه اولا، دهریده فرصت ظهور
پردهۀ غیبیدن چیخیب، عالم آرا تاپا حضور
ییخماقا ظلمتین ائوین، دولدورا کایناتی نور
واصل دوزخ ایلیه ،کیمدی حقیقتیله دور
محو اولا صحن عرصه دن، دست عدالتیله زور
عالمه بیر وئره صفا فاطمه نین الینده دی
.
.
گرچه #نصیری شعریده واردی سنون مهارتون
قافه سعود ایلسون دیللره دوشسه شهرتون
کونی مُسخّر ایلسه، زمزمۀ بلاغتون
صادق اگرچه اولماسا هر عملونده نیّتون
دیلده خلوص اولماسا ،مین ایل اولا عبادتون
علمیوه ائتمسون عمل، حاصلی یوخدی زحمتون
گوهر شعریوه بها فاطمه نین الینده دی
.
.
.
#فاطمیه_مدح
#زینت_کل_ماسوا_اهل_کسا_فضیلتی
#نصیری_مراغه_ای
#ترکی
.
✍️ #زبدةالاشعار ✍️
.
🆔: @nohe_torki
نظر دهید