شب عاشورا
زباحال حضرت رباب (س) با حضرت علی اصغر (ع)
.
.
#سبک_سو_یوخومدی_قزلاروندان … 5 سبک
.
.
مرحوم محیّر اردبیلی
.
.
سارالان یوزی عطشدن قوریان دوداقی لایلای
من بینوایه آخر گئجه نین قوناقی لایلای
.
.
بو گئجه وئروبدی مهلت بیزه ابن سعد ظالم
بیلورم سپهر غمده سارالار گوزل هلالیم
ولی هئچ اینانمورام من چیخاسان صباحه سالم
گل عمریوین ستمله سیناجاق بوداقی لایلای
.
.
اجل اؤچیسی بو چولده سنیلن چیخوبدی جنگه
دولانوب اودور که رنگون بئله زعفرانی رنگه
گلوب آلنیوا سویوخ تر نفسون دوشوبدی تنگه
آنوون او قدری قالمور پوزولا تفاقی لایلای
.
.
چکیلوبدی رنگ و ریشون سارالان یایاقلاروندان
گورورم چیخور آلوؤ تک نفسون دوداقلاروندان
آچارام اودور قماطون ئوپرم ایاقلاروندان
دیرم دوشن رَمَقدن گوزل ال ایاقی لایلای
.
.
چکه بیلمه دیم دویونجان علی من اگرچه نازون
ائده بیلمه دیم نوازش اوجالاندا سوز و سازون
سحر اوخلانوب گلر سن گزر ال به ال جنازون
ائدوسن نه بیر سو فکری نه ده صود سراغی لایلای
.
.
منی ایلیوب زمانه متحیّر اوز ایشیمده
غم اودی چکور شراره بو دل بلا کشیمده
دونه قانه سن سیز اوغلوم اگر اولسا صود دوشیمدہ
سوسوزام أوزومده والله دوداقون سیاقی لایلای
.
.
بیلورم على همیشه آنالار یانندا خوارم
سؤزون هر مکاندا دوشسه من ئولونجه شرمسارم
ولی قورخورام دیم من سوسوز ئولدی شیرخوارم
دیه لر باجارمیوبسان بالا ساخلاماقی لایلای
.
.
منیم اللریم بوش اولدی آنالیق علامتیندن
خجلم سنون یانوندا صودیلن سو بابتیندن
نه گوزلدی ئولسه اوغلوم آنا أؤز خجالتیندن
ولی ئولمیه عطشدن صود امر أوشاقی لایلای
.
.
بو رقیه مندن آرتوق اور گین غمونده داغلار
منه گه وئروب تسلّی گھی بوینومی قوجاقلار
گلوب اگلشر یانوندا ئوپر اللروندن آغلار
بیلوسن کی وار اونون چوخ سنه اشتیاقی لایلای
.
.
ائله آغلیوب سیزیلدار کئچر آهی نُه فلکدن
منه یالوارور کی زایل اولا غملریم اورکدن
دیر اصغرین سن الله آچاق اللرین بلکدن
اوجالار منیم سیزیلتیم اونون آغلاماقی لایلای
.
.
بیلورم بهشته زهرا آلاجاق سنی قوجاقه
ئوپه جک سولان یوزوندن قویاجاق دوداق دوداقه
سنه مهربان آنوندا او قدر کی وار علاقه
اولاجاق یرون همیشه آنوون قوجاقی لایلای
.
.
سنه سعی ائله «محیّر» وئرورم بو بیر پیامی
ائله راضی تا اؤزوندن او امام تشنه کامی
یوزه توک سرشک چشمون اوخی مطلع کلامی
سارالان یوزی عطشدن قوریان دوداقی لایلای
.
.
#اصغریه #محیر_اردبیلی
#اصغریه_شهادت #شب_عاشورا
#سارالان_یوزی_عطشدن_قوریان_دوداقی_لایلای
#ترکی
#زبدةالاشعار
نظر دهید