استمداد حضرت قاسم بن الحسن (ع)
..
..
مرحوم معزی اردبیلی
..
..
قالمیشام قاتل الینده منی سال یاده عمو
کسور عطشان باشیمی تئز یتیش امداده عمو
..
..
دیورم دشمن خونخواریمه چوخ ظلم ایلمه
نوجوانم ایوی ویران منی قانه بلمه
کاکلیمدن یاپوشوب پیکریمی سیلکلمه
گلمیور عرصه ده رحمی من ناشاده عمو
..
..
منه ویرمیشدی قوی قدرت بازو یارادان
دونه بیلمم نه صاقا نه صولا الان یارادان
وردیلار باشیمه خنجر بولونوبدور آرادان
هدفم من گینه ده خنجر فولاده عمو
..
..
آز قالور سیریده سیّاره مثالینده آخام
قویما میدانیده یولاریووه حسرتله باخام
الیمه قاندان حنانی فلک ایستوردی یاخام
لطفووی شامل ایله یاره لی داماده عمو
..
..
گل اگر دوریووه بیر عدّه دوزولمیش قره ساچ
گورسه اعداسنی میداندا دوشر تئز قاچاقاچ
سسلنر سن منه قارداش بالاسی گوزلرون آچ
دییرم صیدینه باخ وور یارا صیاده عمو
..
..
داش وران نیزه وران گُرگ کیمی بیر سورودی
ئوپدیگون صورتی باشیمدن آخان قان بورودی
کاکلیمدن بیری دوتدی منی یرده سورودی
بیریده اولدی یارا ورماقا آماده عمو
..
..
اوخ آتانلار صفیلن دورت طرفیمده دوزولوب
پیکریمدن ورولوب هانسی یره قان سوزولوب
اللریم قانلی مناده اتگوندن اوزولوب
سسلورم من سنی امدادیمه بلواده عمو
..
..
ازرقون باشنی کتدیم سنه ای میر انام
تشنه ئیدیم اوزوگون ایتدی یانان قلبیمی رام
خم ایدوب قدّیمی ویردیم عموم عبّاسه سلام
ایلدیم عرض ادب محضر استاده عمو
..
..
ال قویوب چیگنمه احسن دیدی جان ویردی منه
محضرینده گنه ده درس روان ویردی منه
نجه اعدانی سالام تنگه نشان ویردی منه
ویرمیشم درسیمی تحویل اونا دعواده عمو
..
..
غمیمون حدی گلر صاحب احساس الینه
دوشمیشم جنگیده من ارزل اولان ناس الینه
ویر خبر خنجرین آلسون عموم عباس الینه
اندیره خنجرینی عرصه ده جلاده عمو
..
..
خار الینده سنه قربان گل پرپر کیمیم
دیمورم رتبه ده یا شانیده اکبر کیمیم
قارداشون اوغلیام اما سنه نوکر کیمیم
آستان بوسووم هر وقتیده دنیاده عمو
..
..
بیر نگاهون عمو مین رتبۀ ممتازه دگوب
گورمیشم اکبریوه یاره نه اندازه دگوب
اوغلوون داغی اورکدن بیلورم تازه دگوب
واقعاً زحمت اولار گلسون اگر داده عمو
..
..
سسلورم من سنى زهرا اورگین داغلیاسان
باشیمی دیزلروون اوسته قویوب آغلیاسان
ایستورم قانلی مناده گوزومی باغلیاسان
قوشولام اکبر ناکامووه عقباده عمو
..
..
دیمه قاسم یخلوب حالی پریشان آناما
ویرمه سون یوز هله محنت اورگی قان آناما
گل آپار قتلگهیمدن منی مهمان آناما
باغلاسون سانسیز اولان یاره می اعضاده عمو
..
..
فکریمه عمه لریم خیمه سراده قالالار
خیمه ده منتظریم وار صول و صاقین آلالار
ئوپلر صورتینی باشینه قاره سالالار
ئولدی داماد دیسونلر اونا هیجاده عمو
..
..
#قاسمیه #معزی_اردبیلی #قاسمیه_شهادت #ترکی #زبدةالاشعار
نظر دهید