سر نی ده مه جمالون یتشوب خسوفه قارداش

کوفه
زبانحال حضرت زینب سلام الله علیها
.
زبدة الاشعار

?: @nohe_torki
.
مرحوم تقایی اردبیلی
.
سر نی ده مه جمالون
یتشوب خسوفه قارداش
گوزون آچ شماتت ایلور
بیزه اهل کوفه قارداش
.

یارالی باشون برادر اوخیور جداده آیه
ولی عارضون دوتوب کول سنی اوخشادولا آیه
باشوون مبارک عطری ایله اوج ایدور سمایه
دیه سن جدا باشیندا آچیلوب شکوفه قارداش
.

او قاباق سفر که بوردا ایلدیم حسین اقامت
ایلیوردی اهل کوفه هامی مندن اخذ حاجت
ولی ایندی ال چالوللار باجووا همان جماعت
الینه حنا یاخانلار دوزولوب صفوفه قارداش
.

ستمیله کربلاده بابامون سونوب چراغی
ولی ظلم خولی چکدی اورگیمه تازه داغی
نه روادی کوللر اوسته قویا میزبان قوناقی
نیه گون بو غمده دوشمور گوروسن کسوفه قارداش
.

دئمورم گوز آچ جداده منِ بینوانی دیندیر
دئمورم بیر عده یاسلی یورولان آنانی دیندیر
دیورم که سویگلوندور بو گوزل بالانی دیندیر
اورگی سینوب آتاسی چکلوب سیوفه قارداش
.

وئر اجازه باشلیوم من دانشوم شهامتیله
من اوزوم بو خلقه حقّی یتوروم فصاحتیله
چالیشوم بو منطقیله او یاتان جماعتیله
اویانوب که بلکه حقی بیله اهل کوفه قارداش
.

گوله بنذیور جداده علی اکبرون جمالی
بوریوبدی قان جمالین دوتولوب یوزونده خالی
یازولوبدی یاره لردن یوزونه حروف عالی
غم لیلینی اوخور کیم باخا بو حروفه قارداش
.

آچا بیلمیور جداده گوزونی وفالی عباس
باخا بیلمیور گورنده باجیسین عزالی عباس
گوره بیلمیور رقیه قولونی یارالی عباس
چتین اولدی محنتیمیز او دل رئوفه قارداش
.

#سبک_سو_یوخومدی_قزلاروندان … بیش از 5 سبک

.
#کوفه
#سر_نی_ده_مه_جمالون_یتشوب_خسوفه_قارداش
#تقایی_اردبیلی
#ترکی
.
#زبدةالاشعار

?: @nohe_torki