زبدةالاشعار

چوللردیم ای محرم اهل حرم عمه #راه_شام_معزی_اردبیلی

راه شام
زبانحال حضرت رقیه سلام الله علیها
.
.
مرحوم معزی اردبیلی
.

چوللردیم ای محرمِ اهلِ حرم عمّه
کاشانه سیز آواره قوشا بنزرم عمّه
.
.
اکبر باجیسی سفرۀ عصمت دوزویام من
برج ادبون پارلاق اولان اولدوزیام من
سالدون نیه گوزدن ، سنه قارداش قیزیام من
چک اللریوی باشیمه صاحب کرم عمّه
.
.
سن دوتمادون هئچ آدیمی اولدی گجه یاری
دوندر یوزوی مهر و وفادن منه ساری
قانیم اولور هر آن ایاقیمدان یره جاری
گل باغلا تیکان یاره سینی محترم عمّه
.
.
گئتدوز یوخودان گوزلریمی غفتلاً آچدیم
ال باشه قویوب عمه دئدیم چوللره قاچدیم
غم قلّه سینه پرچم پیغامیمی ساچدیم
سالدی غمه جنّ و ملکی منظرم عمّه
.
.
کیم من کیمی غمدن هامیدان باشدا سایلدی
صحراده سیزیلتیم ایله داغ داشه یایلدی
آهولرین املیک لری رؤیادن آیلدی
بیر عاشق دلدادیه چون دلبرم عمّه
.
.
مسمار مُحن سینَمی هر آن هدف ایلر
گلسون غمیمی مرحمتون برطرف ایلر
گِج گلمه منی وحشیلر عمّه تلف ایلر
چوخ واهمه دن دور دوتولوب حنجرم عمّه
.
لطفون چوخودی عترت اطهاره باشوندا
گزدون منیلن شهرلری قاره باشوندا
سندن نگرانم واریدی یاره باشوندا
والله هامیدان من سنی چوخ ایسترم عمّه
.
.
دردانه وی سال یادیوه شیرین سوزه خاطر
زهرا بالاسی ئوپدوگی زیبا یوزه خاطر
گل آل گئنه آغوشیوه آغلار گوزه خاطر
پاتخت آلاسان من سنه همسنگرم عمّه
.
.
فخریمدی منم آل عبا سلسله سیندن
لطفین بابام حاشا کسه ئوز گوز گیله سیندن
کاش سنمیا چوللرده رقیه گِله سیندن
چخدیم نیه یاددان بئله من بلمرم عمّه
.
.
زهرا آنامیزدان بابامین عطرینی آلدیم
آغوشینه آلدی یارالی سینه ده قالدیم
دیندیردی سوزومده اؤرگین غصّیه سالدیم
بلدی نجه آواره قالان دخترم عمّه
.
.
افغانه گلوب غملی سوزومدن دئدی لایلای
گوز یاشلاریمی سیلدی یوزومدن دئدی لایلای
باخدی گوزومه ئوپدی گوزومدن دئدی لایلای
ائتدیم سنی تعریف وفا پرورم عمّه
.
.
#سبک_ای_باد_صبا … بیش از 7 سبک
.
.
#راه_شام
#چوللردیم_ای_محرم_اهل_حرم_عمه
#معزی_اردبیلی
#ترکی
#زبدةالاشعار

متن پیشنهادی:  علی فراقون اودی هر دقیقه شدّت ائدر

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی