ورود به ماه محرم
.
زبدة الاشعار
?: @nohe_torki
.
جعفری زاویه
.
سسلنور قدّوسیان : ایّام ماتم باشلانور
قورتارور ذی حج آیی ، ماه محرّم باشلانور
.
.
قاره پوش ایلور فضای عرشی یکسر قدسیان
چون عزای اشرف اولاد آدم باشلانور
.
.
تاپدی بو آیدا فضیلت خاک پاک کربلا
سسلنور گؤیده ملائک : البلاء للولا
ای مسلمانلار اولون آگه گلور ماه عزا
کوچ ائدور شادلیق،ولیکن موسم غم باشلانور
.
.
بو همان آیدور که آغلار قویدولار پیغمبری
بو همان آیدور پریشان ایلیوبلر حیدری
بو همان آیدور که اوخلاندی حسینون اصغری
هر طرفدن غم یاغیر، غمدور دمادم باشلانور
.
.
ایچدی بو آیدا شهادت شربتین دلداده لر
دین یولوندا وئردیلر اوز جانلارین آزاده لر
ساقی روز الست ائتموش تهیّه باده لر
حقّ الیلن بانگ نوشانوش اعظم باشلانور
.
.
مست عشق حقدی عشّاق حقیقت بین عشق
باش و جاندان گئچمگ اوّلدن اولوب آئین عشق
وئردی اوز مایملکین بو یولدا شاه دین عشق
عشقی معنا ایلمک بو آی مسلّم باشلانور
.
.
کربلانون تپراقی بو آی اولور خاک شفا
باغلیان پیمان ، بو آی پیمانینه ایلور وفا
زندگیدن ال چکور راضی اولا اوندان خدا
تشنه قالماق کربلا دشتینده کم کم باشلانور
.
.
ایل دولاندی آی گئچوب ،گلدی محرّم،ماه غم
عرش و فرش اهلی حسینی سسلیوللّر دم به دم
ناله ایلور روح دعبل یا فرزدق ؛ محتشم
جعفرینونده گؤزوندن آخماقا ، نم باشلانور
.
#سبک_زینبم_جان_اوستیم (بیش از 4 سبک)
پخش‌کننده صوت
#ورود_محرم
#سسلنور_قدوسیان_ایام_ماتم_باشلانور
#جعفری_زاویه
#ترکی
.
#زبدةالاشعار
?: @nohe_torki
: @nohe_torki . مرحوم هادی تبریزی . قاف وحدتده پرآچموش سیر ایدن عنقای عشقم قانیله دولموش سو مسکس تشنه لب سقّای عشقم . من کلیمم کربلانی دوندرنبیشتر
با عرض سلام ادب
اشعار ها بسیار زیبا وجالب هستند
اجرتون با امام حسین
سلام بزرگوار
ممنون از حضورتان در این مجموعه
با مراجعه به بخش تماس با ما، در سامانه پیامکی سایت عضو شوید.