سس دوشدی بو گون کوی و بازاره حسن گلدی #حسنیه_شایان_ارومیه

میلادیه امام حسن مجتبی(ع)
.
.
کربلایی رحیم شایان
.
.
سس دوشدی بو گون کوی و بازاره حسن گلدی
احسن بئله خوش منظر دلداره حسن گلدی
.
.
زیبا رخ و مه سیما کیم گوردی اولوب مسحور
جذاب و فرح انگیز مین یوسف اونا مقهور
زهرا و علی خرسند، پیغمبر اولوب مسرور
شکر ایلییری حضرت، داداره حسن گلدی
.
.
بو طفل برازنده، دریای کرامتدور
بوگوهر ارزنده، گنجینه خلقت دور
اسطوره حلم و صبر دروازه جنتدور
جنات اولوب آماده، دیداره حسن گلدی
.
.
حیدر که آتا اولدی، زهرانی سویندیردی
زهرا سوینیب سانکی دنیانی سویندیردی
آغوشینه تا آلدی، حورانی سویندیردی
گویا که نسیم اسدی گلزاره حسن گلدی
.
.
توصیف ائلماق اولماز کیمدور بو ملک منظر
حاتملر اولار الحق، مسکین بو فرخ فر
جبریل دیور تبریک، یا حضرت پیغمبر
تبریکی قویور حورا، تکراره حسن گلدی
.
.
معنا بودی تقوایه، تندیس شجاعت دور
پرورده عصمت دی فرزند ولایتدور
دردانه زهرا دی، خورشید امامتدور
واقف اولاجاق یکسر اسراره حسن گلدی
.
.
یثربده گوزل وجهی حسنه تاپاجاق شهرت
بیر آن یوزونی گورسون صف صف دوراجاق ملت
هر کیم سوروشا علت آیا نه دی جمعیت
سسلله تماشا ایت، مهپاره حسن گلدی
.
.
قیل بیر نظر ای مولا، شایان دل افگاره
سرمایه گیدوب الدن قالمیش ئوزی آواره
بیر چشم کرملن باخ بو شاعر درباره
پاک آدیوی ثبت ایتسون اشعاره حسن گلدی
.
.
#حسنیه #شایان_ارومیه #حسنیه_میلادیه #ترکی #زبدةالاشعار