حالات ورود اهلبیت اطهار(ع) به شهر شام
..
..
..
..
ساکت خسروشاهی
..
..
..
..
سس دوشدی شام شهرینه بیگانه لر گلور
دوردی دایاندی خلق گوره تا نه لر گلور
..
اوّل نظرده گوردوله بیر باشی نیزه ده
قرآن اوخور صداسینه فرزانه لر گلور
..
قندیل بزمگاه محبّتدی گوئیا
شعله چکور شرارینه پروانه لر گلور
..
هشتاده دین اسیره خانم باغلی بیر ایپه
گئتدوقجا رشته داریله دردانه لر گلور
..
گوزلر پیاله سینده وورور موج خون دل
بزم یزید کافره پیمانه لر گلور
..
عین ادبدیله ولی جای عجبدی بو
عاقللره شماتته دیوانه لر گلور
..
ناگاه ائشیتدی خلق گلور بیر غریبه سس
آلجاق ائله سسی هوشا مستانه لر گلور
..
آغلور دیور یومون گوزوزی باخمیون بیزه
پیغمبر خدائیله هم خانه لر گلور
..
من زینبم یگانۀ دولت سرای وحی
آردیمجا جمع اولوبدی ملک چانه لر گلور
..
عالم بویی واریمدی غمیم، منله همقدم
دوغرى یانقلی غصّه لی افسانه لر گلور
..
مظلوم ایلیوب سیزی مغلوب ائدنمه سیز
شامی مسخّر ائتماقا شیرانه لر گلور
قویمور حیا دییم سوزومی آز جفا ائدون
زهرا آنام باغندا کی ریحانه لر گلور
..
«ساکت» ادب طریقینی حفظ ایله شعرده
هرچند گوز یاشین کیمی دُردانه لر گلور
..
..
نظر دهید