زبدةالاشعار

نسخه مده مشکلیم یازیلوبدور دوا یازون #حضرت_رقیه_مهدی_فعال

به بهانه ایام ولادت حضرت رقیه سلام الله علیها
.
.
.
مهدی فعال
.
.
نسخه مده مشکلیم یازیلوبدور دوا یازون
یا ایسته سیز طلسم ایلیون بیر دعا یازون
آلنیمدا نام و ننگیمی یالقیز گدا یازون
شامه مسافرم ولی سیز کربلا یازون
قربان او خیردادان بؤیوگه؛ خاندانوزه
ای اهلبیت یؤلچی گلوب آستانوزه
.
.
.
وقت طربدی قمریِ دل نغمه خوان اولور
بیر گوندی که جهنم اوتی مهربان اولور
اکبر اذان ویرور هامی عالم جوان اولور
خوشبخت میهمان ؛ که حسین میزبان اولور
سسلور منادی معجزه شهره گلوب گلون
آقامیزین رقیّه سی دهره گلوب گلون
.
.
.
احسان ویرور حسین هامینی دعوت ایلیوب
شاهانه سفره سین بیزه ده قسمت ایلیوب
الله باغیشلیا هامینی ؛ نیّت ایلیوب
زینبله گور حسین نه گوزل خلوت ایلیوب
بو سویلیور:آنامدی آقا ؛ باخ جمالینه
او سویلیور:علی دی باجی؛ باخ کمالینه
.
.
.
دیدارینه چو مشتری گؤیدن زحل گلور
اکبر اذان دئمور دوداقیندان غزل گلور
عبّاسه باخ عمو دئمه هیبتلی یل گلور
قاسم اؤپور اونی دوداقیندان عسل گلور
ائل طایفه هامی گوزینه مشتری چیخوب
درّ نجفدی زینبه انگشتری چیخوب
.
.
.
جان نذر ایدون بو طفله که جانان رقیّه دی
«جسم حسین فاطمه یه جان رقیّه دی »
اکبر دامارلاریندا گزن قان رقیّه دی
بیت حسینده دلبر خوبان رقیّه دی
قویمازلا هیچ یره که قوجاقلاردا سیری وار
عبّاسه که چاتور ایلیور چیگنینه سوار
.
.
.
کیپریکلر اوخ صفوفی دی گوزلر گوزل دیلر
هرغنچه دن دوداخلاری بهتر گوزل دیلر
قاشلاری عین قاسم و اکبر گوزل دیلر
زهرا بالالاری گوزل اندر گوزل دیلر
نزدیک دوست نامه ی زهرا رقیّه دی
یعنی اوچ ایل ادامه ی زهرا رقیّه دی
.
.
.
خورشید دور حسین رقیّه ستاره سی
بو خوردا قیزدی فاطمه نون استعاره سی
عالم لره دگردی او تک گوشواره سی
قصر یزیدی محو ایلدی بیر اشاره سی
عیناً آتا بابالاری مشکل گشادی بو
بنت الحسیندی عالمه فرمانروادی بو
.
.
.
گرچه اوشاخدی صاحب اعجاز اولوب ولی
پربسته اولسادا ایشی پرواز اولوب ولی
آز سنی وار آتاسینا سرباز اولوب ولی
عمری اولوب اوچ ایل آز اولوب ناز اولوب ولی
اوچ یوز مین ایل سووشسادا عالمده آدی وار
وار آدی واللهی آدینون بسکه دادی وار
.
.
.
درگاهینه فرشته ده انسان دا بنده دی
سلطانلیق ایلیور هله با اینکه بنده دی
اصلا بو قیز باباسینا قلب تپنده دی
عشقی حسین الین یاپیشوب یول گدنده دی
الاندا اختیار دلی دلرباده دی
قبری دوشوبدی شامه اؤزی کربلاده دی
.
.
#حضرت_رقیه #مهدی_فعال
#حضرت_رقیه_میلادیه
#نسخه_مده_مشکلیم_یازیلوبدور_دوا_یازون
#ترکی
#زبدةالاشعار

متن پیشنهادی:  آیریلیقدان اورک قاندی قارداش #زینبیه_رنجبری_لاهیجی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی