وداع حضرت علی اکبر(ع)
..
..
..
..
مرحوم حافظی تبریزی ، مرحوم انور اردبیلی ، محیر اردبیلی
..
..
..
..
سس دوشدی گیور خیمه سراده کفن اکبر
میدانه گیدور یوسف گل پیرهن اکبر
..
..
..
..
بو سس حرم عصمته اعلان غم اولدی
اسدی غم و محنت یلی طوفان غم اولدی
..
..
..
..
جانیندن علاوه هر آتا ایستر اوز اوغلون
گوزدن شه دین سالدی او مستانه گوزاوغلون
خوش لحنیله دیندیردی اوخوش لحن و سوزاوغلون
گی بو کفنی عشقیوه عشق اولسون عزیزیم
اولاد بنی هاشمه مشق اولسون عزیزیم
..
..
..
..
هر تازه جوان سن کیمی باشدان گیچه بولمز
مستانه گیدوب جام شهادت ایچه بولمز
من تک هر آتا اوغلونا خلعت بیچه پولمز
قوی دفتر عشقه آدون ازّلجه یازیلسون
سنلن منه بو دشتده بیر قبر قازیلسون
..
..
..
..
فریاده گرک لیلی گیجه گوندوزی گلسون
اودلی اورگیندن دله نسگل سوزی گلسون
گیت قانه بویان دادیوه جدّیم اوزی گلسون
مندنده قاباق ناله سینی عرشه یتورسون
کوثردن اوغول کرب و بلایه سوگتورسون
..
..
..
..
جان موقع اغیار گرک آیریلا یاردان
جان بذل ایلمز عاشق اولان عشقینه هاردان
باش ویرسن اگر حقه باش اولّام آتالاردان
القانیوه میداندا اؤزوم باتماقا گلم
بیگانه لری حالیوه آغلاتماقا گلم
..
..
..
..
سن باشدان اوغول گیچ قوی آتان باشی اوجالسون
چکسون اورگه تازه جوان داغی قوجالسون
غم فوجی دولوب کشور صبر ایچره باج آلسون
باخما منه حسرتله که حسرت نظریم وار
آردونجا محاسن دولوسی اشگ تریم وار
..
..
..
..
حسرتله باخوب چشم فلک کرب و بلایه
محشردی گوروب دشت بلا آل عبایه
آلمیش بالالار مظهر طاهانی آرایه
در تموش او جوانی هاموسی مد نظرده
اولدوز نجه که هاله ورار دور قمرده
..
..
..
..
بلبللر او گل برگ و بوداقیندن اؤپردی
بعضی سی الین بعضی ایاقیندن اؤپردی
بعضی او سولان غنچه دوداقیندن اؤپردی
بعضی شرر شمع فراقینده یاناردی
پروانه کیمی باشینه بعضی دولاناردی
..
..
..
..
غم ساغرینی اهل حرم گوردی لبالب
کشف اولدی بویوکدن کیچیگه گون کیمی مطلب
اوّلده دله گلدی خانم عمه سی زینب
قارداشیمی گل قویما غمون دیده تر ایتسون
سن گیتمه علی قوی بیبون اوغلانلاری گیتسون
..
..
..
..
عمون ئوله قویما اورگیم قان اولا اکبر
قوی بو ایکی اوغلوم سنه قربان اولا اکبر
زلفیم کیمی حالیمده پریشان اولا اکبر
دائم بو ایکی اوغلوما جان سسله میشم من
بو گوندن اوتور هر ایکسی سین بسله میشم من
..
..
..
..
غملندی توکوب گوز یاشی رخساره سریه
ناچاریدی تاپموردی ایده چاره سریه
آخرده گلوبدور بله گفتاره سریه
قویما غم هجرونده پریشان اولا قاسم
قربانون اولوم قوى سنه قربان اولا قاسم
..
..
..
..
قوی بو کفنی قاسم ناشاد گینسون
بوکسون بلیمی بو قدی شمشاد گینسون
طوی خلعتی بولسون اونی داماد گینسون
قانیله حنا یاخسون اله کام دل آلسون
شوریده سر ایتسون منی چولدن چوله سالسون
..
..
..
..
عباس دولاندیردی گوزین اکبره باخدی
حالی پوزولوب گوز یاشی بیفاصله آخدی
سن گیتمه دیدی شرط محبتدن اوزاخدى
سوز یوخ که جهاد ایتماقا مردانه گیدورسن
من ئولمه میشم سن نیه میدانه گیدورسن
..
..
..
..
بو کوی وفادور هامومیز عاشق جانباز
وار حق تقدم منه ای عاشق ممتاز
ام البنین اولادینی گل ایله سرافراز
صبر ایله عمون قربان او گوز یاشیوه اکبر
قارداشلاریمیله دولانوم باشیوه اکبر
..
..
..
..
آلمیشدی رباب اصغری آغوشه یانوردی
باشدان ایاقا اشک تریله بویانوردی
شهزاده نون اطرافینه هر دم دولانوردی
بو فکریله حاشا غم علی اکبره گلسون
قوی اولسا بلاسی منه یا اصغره گلسون
..
..
..
..
دوزمز باجیلار گیسه ئولوم جامه سی قارداش
بو علته هر کیم کفنه باخدی آچوب باش
گوز یاشلاری از بس توکولوب اولدی کفن یاش
خون جگرین گوز یاشینا قاتدی حَرَملر
شهزاده علی اکبری آغلاتدی حَرَملر
..
..
..
..
گر چه غم اودی شعله لنوردی اورگیندن
مسروردی لیک عزم قتال ایلمه گیندن
بیر خورداجا قیز قاچدی یاپوشدی اتگیندن
بو پیرهن عشقی گیورسن علی قارداش
مظلوم آناما بس نه دیورسن علی قارداش
..
..
..
..
لیلا ایشیدوب ایستور علی اکبری گیتسون
آز قالدی توان دل غم پروری گیتسون
خوشدور اوغول آردونجا دیدی مادری گیتسون
سینه قفسینده نفسی مرغی سیخیلدی
گویا نجه دفعه ایاقا دوردی یخیلدی
..
..
..
..
کیم بولدی اوغول دیدینه لیلا نجه گلدی
علت نه اولوب گلماقی دوشدی گیجه گلدی
روشن گونوزی اولدی گوزینده گیجه گلدی
گورموردی گوزی دیزده تواناسی یوخیدی
تیترردی ایاقى الى یاراسی یوخیدی
..
..
..
..
مین اوچ یوز و هشتاد بئش هجریدی عین بیر
بیر «حافظی» بیر «انوریدی» بیرده «محیّر»
شرکتله یازوبلار بوسوزی اولدی مؤثر
ساعت اون چهارشنبه گونی صبح زمانی
بیر «میرزا شفیع» بیرده «شفیع پوریدی» بانی
..
..
..
..
#اکبریه #حافظی_تبریزی #انور_اردبیلی #محیر_اردبیلی #ترکی #زبدةالاشعار #اکبریه_شهادت
#اکبریه_انور_اردبیلی #اکبریه_محیر_اردبیلی
نظر دهید