شب عاشورا
گریز به شهادت حضرت ابوالفضل علیه السلام
.
.
.
شاهی اردبیلی
.
سعد اوغلی قوروب یئرده شورا شب عاشورا
گویلرده یولور زولفین حورا شب عاشورا
.
.
هر یل کی گلور کچسون صحرانی شتابیله
نهر اوسته دوروب بیر آز نجوا ائدیر آبیله
میدانه دونور اوردان چوخ رنج و عذابیله
بیر آز سورونور یئرده پاکیزه ترابیله
قالخیب فلکه ایلور غوغا شب عاشورا
.
.
هر خیمده هر لبدن قالخور گویه یا قُدّوس
گویا کی نماز اوسته موجه گلور اقیانوس
زینبده ضمیرینده طوفان غم و افسوس
بین دو نماز ایلور مولی بوغازیندان بوس
اَعلایَه دیور دردین عُلیا شب عاشورا
.
.
اُول تشنه بوغازون بیر جان کعبه سیدور قارداش
بیر کعبیه بیر جانیم قربان اولا یوز یول کاش
اول کعبه نین آرامین حیف اولسون آلیب اوباش
جان جوهرینین آری بیلمز درجاتین داش
اول جوهر ائدیر حشری اِلقا شب عاشورا
.
.
سیمای حسین آن شب قرآن مُجَسَّم بود
نه عرش تلاوت در نه روز محرم بود
یعنی سر هر مویش در ذکر دمادم بود
در خیمۀ آن شه بود جبریل، خدا هم بود
می زد دل «شاهی» پر آن جا شب عاشورا
.
.
تکبیر به لب عباس در حال قیام آن مست
از قد بلند او بالای صنوبر پست
چون حال رکوعش دید تاب همه رفت از دست
افغان ز نظربازان برخاست چو او بنشست
شد لوح عُبودیت امضا شب عاشورا
.
.
چادرلری مولانون پر نور و زر افشاندی
هر قُبیّه بیر اولدوز نازلدی نگهباندی
هر خیمه جلالتده بیر قصر فروزاندی
تنها سودی کی اوندان عباس اورگی قاندی
دردین بویورور مشکه سقا شب عاشورا
.
.
صبّاح کی قیامتده یار اول منه ای مشکیم
دنیا منه گوز تیکمیش منده سنه ای مشکیم
قویما آچا اوخ سندن بیر روزنه ای مشکیم
سنسیز نه نیازیم وار جان و تنه ای مشکیم
ائتدیم سنه جان سرّین افشا شب عاشورا
.
.
بو خوردا اوشاقلارکی عرش اونلارا حیراندی
هر تک تکی عزّتده دیباچۀ قرآندی
عشق آیه سی تک بیر بیر بو دشتده مهماندی
دگسه سنه اوخ ای مشک عشق آیه لری یاندی
بو باره ده حیراندی دنیا شب عاشورا
.
.
اللرده قلج لشکر پی در پی ائدیر جولان
ئؤلدور مگه مولانی مشق ایلور او نامردان
زینبده ایکی اوغلین آماده ائدیر هر آن
بیر الده بالا خنجر بیر الده کیچیک پیکان
ائیلیر صاباحین درسین اجرا شب عاشورا
.
.
شاهنشه بی یارین ای خورداجا انصاری
صباح ائلیین قربان مولایه بوجانلاری
یوخ قارداشیمون یاری سیز یاور اولون باری
ایلردی ایکی کودک تمرین فداکاری
آغلاردی او احواله زهرا شب عاشورا
..
.
القصه گئجه گؤیدن جمع ایلدی بازارین
قیزدیردی گونش گوندوز بازارینی پیکارین
اعجاز ائلدی یوز یول قوللاری علمدارین
تا نهر فرات اولدی پابوسی او سردارین
باشلاندی اولا اوردا معنا شب عاشورا
.
.
مشکین پر ائدیب تلی قصد ایلدی اول حضرت
رسوا ایلدی یوزمین شمشیری او شخصیت
القصه عمود اندی بی وقفه و با سرعت
تا دَیدی، او ضرغامین ذهنینده همان ساعت
هر شی پوزولوب قالدی تنها شب عاشورا
.
.
سسلندی اودم زهرا ای وای جوان اوغلوم
صولتده صداقتده مشهور جهان اوغلوم
فتّاح زمین اوغلوم قهّار زمان اوغلوم
نه گلدی بو اوصافه بو همّته جان اوغلوم
کو آن که جبینت بود اجلا شب عاشورا
.
.
قوللاروی قطع ائتدی هر مشرک و هر بی دین
شهزاده اوشاقلارین قطع ایلدی امیدین
سیندیردی جبینونده مرآتینی توحیدین
اولدی گینه اول سینمیش مرآتده معنی دین
گورمیشدی بو معنانی پیدا شب عاشورا
.
.
#شب_عاشورا
#عباسیه_شهادت
#سعد_اوغلی_قوروب_یئرده_شورا_شب_عاشورا
#شاهی_اردبیلی
#ترکی
#زبدةالاشعار
نظر دهید