سلام اولاآقامین مهربان رقیه سینه #حضرت_رقیه_مژده_اردبیلی

در مدح و شهادت حضرت رقیه (س)
.
#زبدةالاشعار
.
: @nohe_torki
.
مژده اردبیلی
.
سلام اولاآقامین مهربان رقیه سینه
سلام اولا آقامین باغریقان رقیه سینه
.
سلام اولا آقامین باغ عشق و الفتده
جلالی برهم اولان ناتوان رقیه سینه
.
سلام اولا آقامین کاروان محنتده
ایاق یالین باش آچیق یاری جان رقیه سینه
.
سلام اولا آقامین شهرشام ویراندا
یزیدی خوار ائلیین قهرمان رقیه سینه
.
سلام اولا آقامین بیر خرابه منزلده
یارالی باشه اولان میزبان رقیه سینه
.
سلام اولا آقامین رأس پاک و اطهرینه
که تشت زرده اولوب میهمان رقیه سینه
.
سلام اولا آقامین قامتی کمانه دونن
سه ساله بلبل شیرین زبان رقیه سینه
.
.
سلام اولا آقامین دختر سه ساله سینه
که ویردی مُهرالم نهضتین قباله سینه
.
.
سلام اولا یازیرام شاه کربلا قیزینا
که یار و همدم اولوب شاه لافتی قیزینا
.
سه ساله دختر سلطان کربلادی ولیک
ملال و غصّه دن اوخشاردی مصطفا قیزینا
.
اوقدری رنج و مشقّت یول اوسته چکمیشدی
که اوخشاموردی فنا یرده مقتدا قیزینا
.
باشیندا قاره لچک صورتینده گرد الم
شهید عشقین ائدن یوخدور اعتنا قیزینا
.
خرابه منزل اولوب بارگاه اجلالی
گورنده طعنه ویرورفخراولیا قیزینا
.
چکوبدی شامه قَدَر تازیانه لر آجی سین
ائدوبله چونکه ستم حجت خدا قیزینا
.
یتیمه بیر قیزا اوخشوردی کُنج ویراندا
چتیندی مسئله محبوب کبریا قیزینا
.
غروب اولاندا توکوردب سرشک غم یوزونه
ائدوردی حیدرون البته التجا قیزینا
.
.
عفیفه بیرقیزی دشمن بلایه سالموشدی
الیندن اکبرآلان گوشوارین آلموشدی
.
.
یازوردی اکبرآدین دمبدم که دیواره
سرشک درد و غمی هی توکوردی رخساره
.
نواسی عرشه چیخان یرده بلبل چمنین
دیوردی لعنت اولا دشمن ستمکاره
.
سفرده دیر بابامین کاروانی لنگه دوشوب
یقین گلنده ائدر درد و محنته چاره
.
بابام گلنده گورر درد بی نهایتوزی
علاج ائدر محن و درد و رنج بسیاره
.
بابام گلنده منی قورتارار بومأوادن
اگر رقیه قیزی نائل اولسا دیداره
.
آلار قوجاقه منی نازیمی چکر گئجه لر
بابامدی صبح و مسا لطف ائدر من زاره
.
قوجاقلارام بابامین گُل دوداقلارین اوپرم
اوپنده لبلرینی واقف اوللام اسراره
.
ایاق یالین باش آچیق قاچمیشام دیئرم
قابار اولان ایاقیم توش اولوبدی هی خاره
.
.
ایاقلاریمداکه قان یوللارین نشانه سیدی
منی بوحاله سالان قمجی لر ترانه سیدی
.
.
ائلیکه ائتدی منی دست غم نشانه یره
توکوردی دیدۂ غم اشک دانه دانه یره
.
نحاله قالدی قیزون قورخولی بیاباندا
که شرح اولوبدی سوزوم دمبدم شبانه یره
.
ایاقلاریم توخانان یرده خار و خاشاکه
اورک سوزون دئمیشم قالمییا بهانه یره
.
اننده دست ستم تازیانه سی باشیما
دگوبدی گه قولوما گاهی تازیانه یره
.
خمیده قامتیمون باعثی کیم اولدی دیوم
اولارکی اکدیله چون اهرمن زبانه یره
.
محبتین آغاجین سیندیرانلارا نه دیوم
ویرار یقین اولاری گردش زمانه یره
.
تکبراهلی فنادهریده بشردی مگر
بشراودورکه قدم قویدی خاضعانه یره
.
بساط معرفتین شاعری اولان (مژده)
سرشک دیده سینی توکدی بی بهانه یره
.
#حضرت_رقیه_مدح
#حضرت_رقیه_شهادت
#سلام_اولا_آقامین_مهربان_رقیه_سینه
#ترکی
.
#زبدةالاشعار
.
: @nohe_torki