سلام اولا آقاما …
✍️ زبدة الاشعار ✍️
?: @nohe_torki
هدایتی تبریزی
سلام اولا الی مشکل لری آچان آقاما
پیمبرین یرینه جانفدا یاتان آقاما
سلام اولا آقامون زلفقارینه ئوزونه
قلوب کافره وحشت اودی سالان آقاما
سلام او اسوه تقوا و بخشش و کرمه
ویروب غذاسینی ایتامه آج قالان آقاما
سلام او قاتل ابطالین عشق و عزتینه
سلام او مرحب و امری ووروب یخان آقاما
سلام او سروره که دوءزدی مین بلا و غمه
سلام او بعد پیمبر غریب اولان آقاما
سلام او درگهی نار ستمله اودلانانا
سلام او فاطمه سین دشمنی ووران آقاما
سلام او نیمه شبده یارالی فاطمه نی
قویوب مزاره ایدن گوز یاشین روان آقاما
سلام او ایرمی بش ایل صبر ایدن هجوم غمه
گوزونده قوم بوغازیندا سوموک قالان آقاما
سلام او عشقده سبقت آلان ملائکه دن
دویونجا بستر راحتده یاتمیان آقاما
سلام او عشق نمازینده قانینه باتانا
محاسنی ، یوزی باش قانینه باتان آقاما
سلام او کلمه فزت و رب کعبه سنه
سلام اوتودوقی یرده نماز قیلان آقاما
سلام او یارلی باشه که مرحمی یوخودی
سلام او باشینی شمشیر کین یاران آقاما
سلام او طاقتی الدن گیدن بلایه دوشن
خمار کوثر و مدهوش و ناتوان آقاما
سلام او سروره که نافذالبصیرتیدی
سلام او گوزلرینه باش قانی دولان آقاما
سلام او ساعته که یاد ایدوردی زهرادن
سلام او فرقت زهراده باغری قان آقاما
سلام او حالینه که غش ایدوب گلوردی حالا
دیردی زینبی وای خسته جان یارالی بابا
#حیدریه_شهادت #حیدریه
#سلام_اولا_الی_مشکل_لری_آچان_آقاما
#هدایت_تبریزی
#ترکی
✍️ #زبدةالاشعار ✍️
?: @nohe_torki
نظر دهید