سلام اولا او شاهه کی صحن و سراسی وار #رضویه_حضرتی_هاتف

مدح حضرت امام رضا علیه السلام
.
.
.
سعید حضرتی ( هاتف )
.
سلام اولا او شاهه کی صحن و سراسی وار
جدی کیمین او گنبدی اوسته لواسی وار
.
مروه نه دور صفا ندی،عالم بونی بیلیر
مین لر صفایه باش،حرم باصفاسی وار
.
زمزم هارا؟ ندور چاتا معناده بو یئره
مین زمزمین برابری سقاخاناسی وار
.
معلومیدور جلالتی،اوستونده دی آدی
هر نه گتیرسه زائری الده،رضاسی وار
.
الحق خدا،بجا آدینی انتخاب ائدیب
یعنی رضا،هر ایشده رضای خداسی وار
.
سسله گله او کس که طبیب ائیلییب جواب
هر دردیوه دئیون بو رضانین دواسی وار
.
هرکس اورک الیله یاپیشسا آلارگئده ر
والله بونون سخاوت بی انتهاسی وار
.
هر عاشقی که کربوبلا گویلونه دوشوب
مشهدده ده رضا آقامین کربلاسی وار
.
هر قدر من دئسم گئنه آزدی جلالتی
حاتم کیمی، درینده هزاران گداسی وار
.
“هاتف” گلیب همیشه کیمی بوشدی اللری
اما گینه رضایه اورکده وفاسی وار
.

#رضویه_مدح
#سلام_اولا_او_شاهه_کی_صحن_و_سراسی_وار
#ترکی
.
.