زبدةالاشعار

کرب و بلاده قوم دغا آل یاسینی #شام_غریبان #محمدرضاصادقی

شام غریبان
.
✍️ زبدة الاشعار ✍️
.
🆔: @nohe_torki
.
محمدرضا صادقی
.
کرب و بلاده قوم دغا آل یاسینی
زینب مقابلینده سویوبلار اساسینی
.
رحم ائتمین حسینیده بیر کهنه کوینگه
آیا نئدر رقیه ده گورسه طلاسینی
.
غارتدن آنلادیم بو قدر بسدی یازمارام
زینب چخاتدی یاددان حسینون عزاسینی
.
غارت قوتولدی قارداشی اوغلی ئولنلره
گوستردی قوم کین گینه ده اوز وفاسینی
.
سسلندیلر سویون قوروغی سیندی میل ائدون
اود دوتدی یاندی کیمسه ائشیتدی صداسینی
.
بیر بیر یغوبدی عمه سادات قیزلاری
یانمش چادردا قوردی خانم غم بناسینی
.
اما بیوردی چوخ اوجادان ائتمیون نوا
شمرئولدورر ائشیتسه کیمون آغلاماسینی
.
گون باتدی سالدی نورینی آی غملی گلشنه
غم دوتموشیدی دشت بلانون فضاسینی
.
بیر یاندا قاسم اکبریلن دوغرانوب یاتوب
بیر یاندا سالمیشیدی ابالفضل لواسینی
.
بیر یاندا حال سجده ده دوشمیشدی شاه دین
احسانی وئرمیشیدی اوخوردی دعاسینی
.
بجدل ده گلدی گوردی کرمدن اوزاق دوشر
مایوس قیتره قاپوسوندان گداسینی
.
هم بارماقین وئروبدی هم انگشترین اونا
صاحب کرم سوور گئجه نین اختفاسینی
.
سهمین وئروب نه گوردی گلور آغلاماق سسی
گودالیدن ائشیتدی ربابون نواسینی
.
سسلور بابا هرایمه سس وئر هایانداسان
هردم دیور گزوم بو چولون من هاراسینی
.
بولمم نه حالیده باباسین تاپدی بینوا
بیردن گوز آچدی گوردی بوغازدا یاراسینی
.
سسلندی کیم بو حاله سالوبدور سنی بابا
الله گوروم اونون قویا آغلار آناسینی
.
باخ بیر ایاقیمه بدنیم تک قابار چالوب
رحم ائتیوبله ووردولا زهرا بالاسینی
.
عمم بو چولده غارت اولاندان اوتورمیوب
قارداشدا یوخدی کم ائده باشدان بلاسینی
.
بیر یاره وار الینده بابا یاندیر منی
بیر کیمسه کاش اولیدی وئریدی دواسینی
.
بیرده بابا بو « صادقیه » رحم ائله اوزون
محشر گونونده لطفا اوزون وئر جزاسینی
.
.
#شام_غریبان
#کرب_و_بلاده_قوم_دغا_آل_یاسینی
#محمدرضاصادقی
#ترکی
.
✍️ #زبدةالاشعار✍️
.
🆔: @nohe_torki

متن پیشنهادی:  صاحب کرم وفضل وجلالتدی ابوالفضل #عباسیه_علیرضا_عباسی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی