سلام اولسون ذبیح الله حسینه #اربعین_واصف_مرندی

اربعین
.
#زبدةالاشعار
.
: @nohe_torki
.
احد ظهرابزاده ( واصف مرندی)
.
سلام اولسون ذبیح الله حسینه
شهادت عالمینده شاه حسینه
.
سلام اولسون حسین ائتمیش قیامه
قیامیندن او قرآنی پیامه
.
سلام اولسون شهیدان السته
قوای سربلند و بی شکسته
.
سلام اولسون قیام و اقتداره
وفا وغیرت و عشق و وقاره
.
سلام اولسون مسیر اولیاده
او زائر کی گئدیر پای پیاده
.
بیری زوّاریدی ایلر زیارت
بیری بوردان ائدیر عرض ارادت
.
ائشیدّیز اول جوانمرد کویتی
دوتوب مد نظرده اهلبیتی
.
بو یولدا نچّه یوز قربان وئریبدی
نچه میلیاردیلار احسان وئریبدی
.
بولار مربوطیدی بیر ارزیابه
یازیلار بیر شماره بیر حسابه
.
بولار دوزدی مبارک امتیازدی
حسینین عشقینه البتده آزدی
.
حسین دار و نداریندن گئچیبدور
ئوزوندن شیرخواریندن گئچیبدور
.
بولار اوخ مثلیدی غیرت سوزوندن
دگور نسل وهابیت گوزوندن
.
سلام اولسون اوقانلی سرزمینه
هم عاشوراسینه هم اربعینه
.
سلام اولسون اوپوزقون کاروانه
او پوزقون کارواندا بانوانه
.
سلام اولسون مرام زینبینه
ادیبلر عالمی زائر حسینه
.
ائلیکی چاتدیلار کرببلایه
اورگلرده غم ودردو گلایه
.
سوزوم زینبده دی چون آغ بیچکدی
بوعاشقلیقدا عارفلیقدا تکدی
.
ائلیکی کربلایه چاتدی زینب
سرشکین عشق نابه قاتدی زینب
.
حسینین عطرین آلدی ناقه اوستن
قیریلدی گول سایاقی ساقه اوستن
.
اورگده عشقی اشکیندن گوروندی
بیر آز قاچدی بیر آز اما سوروندی
.
غمی قویدی غمیلن صبری صبره
ئوزون سالدی او آلتی گوشه قبره
.
گوزونده اشک شوقی جلوه لندی
قراسی قانلی تپراقه بلندی
.
دئدی من زبنب زارم حسینیم
بوقبره غملی زوارم حسینیم
.
دور ای عالمده کشتی نجاتیم
منی یاندیردی گیزلین خاطراتیم
.
ولی قارداش بو بسدی بیر اسیره
بوکوبلر قانلی نعشین بیر حصیره
.
سنی دلدن سالیبدور اوخ یاراسی
منی شامین خرابه ماجراسی
.
سنه عباسین ئولدی یاره دگدی
منیمده قدیمی سنسیزلیق اگدی
.
بالالار گول سایاقی دسته دسته
ویریبلار حلقه زینب باشی اوسته
.
دئشیلدی سینه ده گیزلین یارالار
دیله گلدی او کم صحبت بالالار
.
بیری سسلندی آی عمه آماندی
یادیندا خیمه میز بوچولده یاندی
.
یولومدا بیر سوری نامرد دوردی
بیر سیلی بیری قمچیله ویردی
.
بیری عرض ایلدی چوخ دلشکسته
منی چوخ ویردیلار بیر معجر اوسته
.
رباب عرض ایلدی غم وار غم اوسته
دورون باهم گئداق بیر علقم اوسته
.
دئیوللر علقمه غملر یازیبلار
واما بیرکچیک قبری قازیبلار
.
بونیسگیللر من غم پروریندی
کچیکدور چون یقینا اصغریندی
.
.
#اربعین_واصف_مرندی
#سلام_اولسون_ذبیح_الله_حسینه
#ترکی
.
#زبدةالاشعار
.
: @nohe_torki