کوفه
.
✍️ زبدة الاشعار ✍️
.
🆔: @nohe_torki
.
مرحوم دخیل
.
بو شهرده منه چوخ غصه و جفا گورونور
که اهل شهرده نه نور و نه صفا گورونور
.
گزر هواده جدالرده چوخ کسیک باشلار
نه شهردور که هواسینده کربلا گورونور
.
یقین اولور منه بو شهر کوفه دور یاران
نه چونکه خلقی نهایتده بی وفا گورونور
.
بو شهر ایچره بش ایل من خانملیق ایلمیشم
خانم لارا بو شماتت نجه روا گورونور
.
حریر چادره باشیمده مقنعه گلدوز
لباس کهنه گیوب معجریم قرا گورونور
.
سَنان اولوبدی منه پاسبان یا عباس
کجاوه مه یاپوشان شمر بیحیا گورونور
.
حسن دِیَنده منه کیمسه جان دییَن یوخدور
حسین دِیَنده کسیک باشیله جدا گورونور
.
بو کوچیه گیررم سینه ده اورک دؤیونور
گوزیمه بو قاپی باخدوقجا آشنا گورونور
.
بو کوچه نی تانیدوم گل قطاریمی دُوندَر
گوزومه درگهِ سلطان اولیا گورونور
.
آتام باشی کیمی بو شهرده سنار باشیم
بلالی باشیمه بیلّم گنه بلا گورونور
.
بویوردی سید سجاد صبر ایله عمه
که عزّتین عوضی ذلّته روا گورونور
.
گیرنده مسجده محراب و منبره باخما
دولوبدی قانیله محراب مرتضی گورونور
.
#دخیل گوز یاشینون گوهرینه یوخدی عوض
نچون بهاسی رضامندیِ خدا گورونور
.
.
قطاری زینبون اولدی گذرگهِ بازار
بئله خطاب ایلدی کوفیانه زینب زار
.
.
مگر خیال ائدوسوز بیز اسیر تاتاروخ؟
فرنگ اسیری کیمی هر نظرده چوخ خواروخ؟
.
یومون گوزوزی بیزه باخمیون مسلمانلار
نه مشرک و نه مجوس و نه اهل زنّاروخ
.
یقین که مسلم اولان مسلمه نظر ائتمز
مگر بئله بیلوسوز بیز اسیر کفّاروخ؟
.
او قانلو باش بیزه سرخیلدور اوخور قرآن
کلام حقّه قسم اهل بیت اطهاروخ
.
یورولموشوخ بیزه بیر یر وئرون اولاق راحت
یول اهلیوخ گئدوروخ شامه بی پرستاروخ
.
قوجاقیمیزده یاتوب خورداجا اوشاقلاریمیز
که یول گلوب گجه نی صبح اولونجا بیداروخ
.
ندن بیزی بو قدر آج سوسوز دولانیروسوز؟
اگر چه بیر سوری آهو کیمی گرفتاروخ
.
دوتوب یوزون اسرایه تعجبّیله دیوب
نه ائتمیشوخ بو قدر ذلّته سزاواروخ
.
گلون دیاخ هاموموز لا اله الا الله
که تا یقین ائده لر اهل دین اقراروخ
.
نه وقته دین دولاناخ کوچه لرده سرگردان
مگر نه اهل و عیال رسول مختاروخ
.
.
#کوفه_دخیل
#بو_شهرده_منه_چوخ_غصه_و_جفا_گورونور
#ترکی
.
✍️ #زبدةالاشعار ✍️
.
🆔: @nohe_torki
نظر دهید