میلاد باسعادت امام حسین علیه السلام
#گریز به #تنور_خولی
.
.
.
مرحوم قدرت اله #نادری میانجی
.
.
گلدی شعبانین اوچی زینت وئریلدی گویلره
عرض تبریک ایلروق بیزده بو گون پیغمبره
.
.
احسن الله بیر بئله نوزاده شاه کائنات
بو حسیندور منبع فضل و کرم نیکو صفات
ای وئرن مؤمنلره اوددان قیامتده نجات
بو ولادت چوخ مبارک ای شهنشاه هدا
شیعه لر اولسون عزیز نوزادیوه زهرا فدا
.
.
به به ای شاه ولایت فاتح بدر و حنین
ای اولان پیغمبره یاور، عزیز و نور عین
چوخ مبارک یا علی گلدی بو دنیایه حسین
بیز آدون قربانی ای عرش خدانین زینتی
دودمان حیدرون بیر گوهر پر قیمتی
.
.
ایسترم بیر شمّه ای روز تولّدّن یازام
جنب و جوش دودمان اُول نبوتدن یازام
پنج تن ختمی اُولان سوم امامتدن یازام
سوّم هجرتده شعبانین اوچی اُولگون بتول
وضع حمل ائتدی بیر اوغلان گلدی گورماقه رسول
.
.
شاد و خرّم بیر طرفده اگلشوب میر حنین
آلدی قونداقی قوجاقینه رسولِ مشرقین
امر ائدوب حضرت بو نوزادین آدین قویدوم حسین
بو حسین روح روان چون جان شیرین دور منه
آلگلان نوزادی زهرا چوخ مبارکدور سنه
.
.
عرض تبریکه گلوبدور قوم و خویش و یارلر
بوذر و سلمان، مهاجرلر هامی انصارلر
دور زهرانی آلوبلار قونشولار غمخوارلر
امر اولوب خلّاقدن جبریل انوب گویدن یره
تا حسینون اولماقین تبریک ائده پیغمبره
.
.
جبرئیل عرض ایلیوبدور ای رسول کردگار
هئچ بُلورسن بو حسینون نه بلا باشینده وار؟
اوغلووا مدفن اولار بیر کربلا آدلی دیار
اوردا بو اوغلون سنون یتمیش ایکی قربان وئرر
لبلری عطشان حسین الله یولوندا جان وئرر
.
.
ایندی دنیا شاد اولوب هر یان مبارک باد دور
جمع اولوب بوردا بنی هاشم عموماً شاد دور
کربلا دشتینده اُول گون نالۀ فریاد دور
شمر قویماز زینبون گلسون دئسون لایلای حسین
گه علی سسلر ، گهی زهرا «حسینیم وای حسین»
.
.
کربلا آدلی یره لشگر یغار قوم ظُلم
اوردا عباسین قولون سو اوسته ایللر قلم
قتلگهدن سس گلور: « قارداش حسین یاتدی علم
قوللولار بیر قولسوزون اطرافین آلمیشلار حسین
کربلا توپراقینه عبّاسی سالمیشلار حسین »
.
.
یا رسول الله همان صحراده چون زهرا او دم
اللری قوینوندا هر آن ناله ایلر دمبدم
آه او وقتن مطبخه خیرالنّسا قویدی قدم
هئچ آنالار گورمسون عذر ایسترم صاحب زمان
لعنت حق بر یزید و شامیان و کوفیان
.
.
حضرت زهرا حسینون باشینون اوسته گلر
مطبخ خولیده زهرا باشینه کوللر الر
مریم وسارا بالاسی ئولموش آهو تک ملر
سسلنر زهرا : عجب کول اوسته دینجلدون بالا
دورگلان مهمانلارا سن ایله خوش گلدون بالا
.
.
تازه منزل دوتموسان اولسون مبارک منزلون
سن بالا خوش صحبتیدون نطقدن دوشدی دیلون
اهل بیتی نیلدون بس هاردا قارداشون ائلون؟
ای باشی کول اوسته جسمی زینت میدان بالا
هاردا قالدی زینبون آواره سرگردان بالا
.
.
«#نادری» یاز شیعه لر قربان حسینون آدینه
مردم دنیا ائدوب شرکت حسین میلادینه
کربلاده اولمادی بیر کس گله امدادینه
حالینه قانه بویانمش تیغ و خنجر آغلادی
هر یانی گزدی الی قوینوندا زهرا آغلادی
.
.
#حسینیه_میلادیه #حسینیه #نادری
#گلدی_شعبانین_اوچی_زینت_وئریلدی_گویلره
#ترکی
#زبدةالاشعار
نظر دهید