مصیبت ام الائمه (س)
.
#زبدةالاشعار
.
: @nohe_torki
.
مرحوم معزی اردبیلی
.
سمای کماله سحاب آغلادی
همای حجابه حجاب آغلادی
.
بلانی ایدوب ذرّیده انتخاب
مصیباتنه انتخاب آغلادی
.
سیناندا دُر هاشمی گنجیده
تو ادن هامی دُرّ ناب آغلادی
.
جبیننده تر قالدی مثل گلاب
گل مصطفایه گلاب آغلادی
.
گناه ایله دی دشمن نابکار
گناهی گورنده ثواب آغلادی
.
جمالی اولوب آی کیمی منخسف
مه عصمته آفتاب آغلادی
.
صدا سالدى افلاکه زهرا سسی
گوزیندن چیخوب اود شهاب آغلادی
.
وروب مفخر سوره کوثری
گوروب صدمه ام الکتاب آغلادی
.
یخیلدی یره دوشدی گوشواره سی
یانوب قلب ختمی مآب آغلادی
.
نقابی اولوب یوزده آغ زفلری
او نیلی عذاره نقاب آغلادی
.
قدم قویدى اُمّ أبیها ایوه
اورک دولدی نایب مناب آغلادی
.
مریض اولدی زهرا ایکی آی یاریم
اولوب غملی گوزلر پُرآب آغلادی
.
نوا ایله دی بیت الاحزانیده
کئچنده ایو اوستن غُراب آغلادی
.
وئرنده گئجه غسلینی مرتضی
توکنده سو جامینده آب آغلادی
.
آیون نوری دوشدی گوروندی یارا
سَما اوخشادی ماهتاب آغلادی
.
شکسته گوروب بال پروانه نی
چکوب شعله شمع مذاب آغلادی
.
گورن وقتیده خسته پهلولرین
وروب باشینه بوتراب آغلادی
.
چکوب غسلیدن اللرین بوالحسن
یارا قان ویروب أُول جناب آغلادی
.
على دفن ایدنده دُرِ عصمتی
غم بوترابه تراب آغلادی
.
بهشته یارالی گلوب فاطمه
باخوب حافظ هفت باب آغلادی
.
.
.
ادامه ویروب مرتضی آهینه
دیوب گوئیا آسمان ماهینه
.
.
.
گجه یاریدور مرتضی آغلیار
ئولوب همدمیم مصطفی آغلیار
.
اوشاقلار ایویمده آناسین گزر
باخوب روح خیرالنّسا آغلیار
.
واریم ایوده بش یاشدا آغلار قیزیم
اولوب محنته مبتلا آغلیار
.
دین وقتیده هارداسان آی ننه
قمر أوخشیار ماسوی آغلیار
.
حسینون غمی چوخ پوزوب حالیمی
قیامینده اهل کسا آغلیار
.
جوان اوغلی شمشیریلن دوغرانار
بوکنده عبایه عبا آغلیار
.
سالاللار علمدارینون قوللارین
علم نوحه باشلار یارا آغلیار
.
باتار قانینه طفل ششماهه سی
فدا جان ویرنده منا آغلیار
.
وداعینده اخیامیدن آیریلار
رقیّه دیر آی بابا آغلیار
.
آتین اوسته اوخ سانجیلار قلبینه
دوشنده یره کربلا آغلیار
.
گئجه مقتله ای مه آسمان
گلر ساربان نینوا آغلیار
.
ایشیق سالما قربانیمون نعشینه
گورونسه منا انبیا آغلیار
.
تاپار پاره خنجر او دم ساربان
زمین و زمان برملا آغلیار
.
مصمّم اولار کوفیه گیتمگه
باتان بدره شمس حیا آغلیار
.
دیر کیم منی ناقیه میندیرر
سو یاننده صاحب لوا آغلیار
.
قولاقلارینه ناگهان سس گلر
سَما حالووه زینبا آغلیار
.
ایاقلارووی قوی دیزیم اوستونه
دونن دن ننون هکذا آغلیار
.
.
.
#فاطمیه_معزی_اردبیلی
#فاطمیه_شهادت
#سمای_کماله_سحاب_آغلادی
#ترکی
.
#زبدةالاشعار
.
: @nohe_torki
نظر دهید