سمت قربانگهووه ای حق رحمان گلورم #اصغریه_مضطر_اردبیلی

آوردن امام (ع) حضرت علی اصغر (ع) را به میدان
..
..
#سبک_یارالی_جان_یارالی … 4 سبک
..
..
مرحوم مضطر اردبیلی
..
..
سمت قربانگهووه ای حق رحمان گلورم
الده بیر تحفه م الهی قوزی قربان گلورم
..
..
ره عشقونده فدا ایلمیشم اکبریمی
عونیمی، فضلیمی، عباسیمی هم جعفریمی
بیر گمانیم که بودور گتدیم علی اصغریمی
الده سرمایۀ نقدیم بودور الان گلورم
..
..
گر خلیلون دئسه من کعبه بنا ایلمیشم
دییرم منده بو صحرانی منا ایلمیشم
دالی قیترمه او قربان که فدا ایلمیشم
بو بالامدان صورا وئرّم هم اوزوم جان گلورم
..
..
دوزموشم عرصه گهه قوچ کیمی قربانلاریمی
هامی اصحاب هامی قارداش هامی اوغلانلاریمی
بیلورم قالمیاجاق یرده آلار قانلاریمی
صاحب الامر بالام صاحب دوران، گلورم
..
..
بوغازی بسکه لطافتده مشبّه گله دور
گوشۀ چشمیله کلاً نظری مقتله دور
بیلوری قاتلی تیر الده دوروب حرمله دور
ویراجاق حلقینه اوچ شعبه لی پیکان گلورم
..
..
آتاسیندان بالانی آلدیم همین نیّتیلن
گوره بو قوم سو بلکه وئره بو حالتیلن
اودی چوخ سمت فراته باخوری حسرتیلن
نه صود اممیش نه سو ایچمیش لب عطشان گلورم
..
..
هامی مخلوقه سودور مایۀ امّید و حیات
ایچمسه سو بشرین یوخدی حیاتینده نجات
ایچه جاق سو بالام اصغر دونه سن قانه فرات
یا که نوش ایلیه جاق سو یرینه قان گلورم
..
..
دایانوب بوسقیدا جان آلماقا صیاد اجل
پهلوانیدی قوى مضطر نالان تاپار ال
بیر طرف قبر خطاب ایلوری آغوشیمه گل
وئر صدا قاچما قاباقدان سؤله هرآن گلورم
..
..
..
#اصغریه #مضطر_اردبیلی #اصغریه_شهادت #ترکی #زبدةالاشعار