استمداد حضرت ابوالفضل العباس (ع)
..
..
رضا غلامپور (دلپاک)
..
..
شهباز حرم حسرت اولوب شهپره قارداش
گل گور نجه عبّاس دوشوب اللره قارداش
..
..
بیر ساقیم ای وارث سقای کرامت
جامیم دولی قانیله اورک غرق ملالت
سانما نفسیم وار هله من ئولدوم او ساعت
کیم دوشدی گوزوم یئرده سینان ساغره قارداش
..
..
مسروریدی عشقونده بویانمش قانا عباس
هیهات بو توفیقی گوروب آز سانا عباس
گل شمع جمالون گوره بیردم یانا عباس
پروانه صفت تا دونه خاکستره قارداش
..
..
اوراق ارادتی وجودوم سنه یکسر
هر بیر ورقی مکتبیوه برگ محقر
ائیلوبدی تورق بونی بس دست ستمگر
هر کیم داغیلار ال ورا بو دفتر قارداش
..
..
باش فکرینی باشدان آتانا باش نیه لازم
وئرمز باشا قیمت ره حریته عازم
خوشلار وئره اوز باشینی سلطانه ملازم
گل آل بو باشی سن وئر اوزون لشکره قارداش
..
..
نه باش نه بو گوزلر نه بو پیکر نه بوقانیم
جانیم سنه قربان اولا ای روح و روانیم
بیر عمرودی که اولموش آدین ورد زبانیم
آدیندا صفا وار بو دل مضطره قارداش
..
..
بیر بولدو بولن وئردی نه اوز خسته وجوده
قان آغلادی اولدمکی باشیم ظلم عموده
آتدان ائله کی راضی بو جان اولدی فروده
گوی آغلادی یئرده سورونن پیکره قارداش
..
..
امید ائویمی محنت مشک ائتدی خرابه
مشکین سویون اوخ قسمت ائدیب تشنه ترابه
تا من دئدیم ای وای سویا باخدوقجا ربابه
سو آغلادی آخدوقجا علی اصغره
..
..
میداندا باشاردیقجا دایاندیم سوزوم اوسته
مشک آغلادی تا اشکیم اوتوردی گوزوم اوسته
(قالسیدی سو قولسوز سورونردیم گوزوم اوسته)1
تا سو یئتیرم عترت پیغمبره قارداش
..
..
ای سایهٔ لطفی دل هر غمکش مأمن
قارداش دئیورم عفو ائله چون نوکریوم من
هر چند کی زحمتدی ولی ائله کرم سن
باش چک باشی اللرده قالان نوکره قارداش
..
..
قسمت اولا آرزیمدی منه فیض وصالون
آرام ائده تا قلبیمی آرامش حالون
دردیم بودی گورماقلیقا جان اوسته جمالون
قان وئرمیه بیر لحظه امان گوزلره قارداش
..
..
مین عذریله بیر سر نهان وار هوسیمده
چوخ زحمتیله عرضی هویدادی سسیمده
گل بیرده ایاقوندان اپوم صون نفسیمده
باشیم اوجالا تا فلک اخضره قارداش
..
..
قارداشین اولا خوشدی الی قارداش الینده
تا باهم اولوب قالمیلر اوباش الینده
یکسر آلیب اطرافیمی دشمن داش الینده
داشلار یارادیر گل نجه گور منظره قارداش
..
..
شکر اللها قسمت منه سندن کرم اولدی
هر کیمه سی کی گلدی قاپوا محترم اولدی
بو رسمیله عباسیده صاحب علم اولدی
بو معرکده سن کیمی بیر سروره قارداش
..
..
ای صورتی پرده گوتورن سر قمردن
دائم دولی وی نخل تجلاسی ثمردن
سالما نظر لطفوله «دلپاکی» نظردن
خاصه او زمان کی گلجاق محشره قارداش
..
1: از مرحوم شأنی
.
..
#عباسیه #دلپاک #ترکی #عباسیه_شهادت #زبدةالاشعار
نظر دهید