سنبل زلفون عجب گل یوزه افشاندور اوغول #اکبریه_ذاکر_تبریزی

وداع حضرت علی اکبر (ع)
.
#زبدةالاشعار
.
: @nohe_torki
.
#سبک_یارالی_جان_یارالی … 4 سبک
.
مرحوم ذاکری تبریزی
.
سنبل زلفون عجب گل یوزه افشاندور اوغول
دل لیلادی مگر بیله پریشاندور اوغول
.
.
صورتون گر چکه نقاش علی ماه چکر
چشم و ابرووه یِتَن وقتیده بیر آه چکر
زلفوه طول ویروب عمریوی کوتاه چکر
چون گورر قاتلوی قانوه عطشاندور اوغول
.
.
سن که آرام دل لیلی مضطرسن علی
خلقا و خلقا اوزون جدیوه بنزرسن علی
مشرق حسنده بیر ماه منوّرسن علی
گورن آی تک یوزیوی واله و حیراندور اوغول
.
.
ماه رخساریوه مخصوصیدی والشمس ضحی
زلف مشگینوه منصوصدی و اللّیل بلا
گوره بو حسنیله اعدا سنی ای بدر دُجا
ذکر ائدر بیر بیرینه ماه درخشاندور اوغول
.
.
من سنون گلدیم امیدونله بو صحرایه اوغول
گزَرَم گون یوزیون آردیجا چون سایه اوغول
وئرمرم بیر سر مویون هامی دنیایه اوغول
زلفوین بیر تلی نین قیمتی مین جاندور اوغول
.
.
چون وئروب رخصت میدان سنه سلطان زمن
گئت سنه ایمدی حلال ایلدیم اوز حقیمی من
گئتماقون گر منه دنیانی ائده بیت حزن
صبرایدن هجریوه بو دیده سی گریاندور اوغول
.
.
مصر هجرانه علی یوسف کنعان کیمی گئت
توکمه گوزیاشوی رخساریوه باران کیمی گئت
حشره تک منتظرون لیلی نالاندور اوغول
.
.
چکدیم اون سگّیز ایل عالمده سنون زحمتوی
بسلدیم نازیله بو سرو کیمی قامتوی
هیچ گتورمزدیم علی خاطره بو فرقتوی
ایمدی بوللم که نجه هجر اودی سوزاندور اوغول
.
.
تل به تل زلف سیاهون گَزَرم شانه کیمی
شمع رخساریوه یانّام علی پروانه کیمی
دوشرم دلده آدون چوللره دیوانه کیمی
جای دیوانه اولان کوه و بیاباندور اوغول
.
.
ذاکرا سانما که ائتدون اُزون انشا بوسوزی
اوزگه بیر دلدی که ایلوب سنه القا بو سوزی
دیدی اوز اوغلی علی اکبره لیلا بو سوزی
سنبل زلفون عجب گل یوزه افشاندور اوغول

.
.
#اکبریه_ذاکر_تبریزی
#اکبریه_شهادت
#سنبل_زلفون_عجب_گل_یوزه_افشاندور_اوغول
#ترکی
.
#زبدةالاشعار
.
: @nohe_torki