#متن_روضه #ترکی حضرت علی اكبر علیه السلام
.
✍️ زبدة الاشعار ✍️
?: @nohe_torki
.
وقتی یوسف ایستیردی یعقوب دن آیریلسون، با این کی یعقوب بولوردی یوسفی دیری قالاجاق، ولی چون بولوردی بلا و آیرلیق یوسفه مقدّر اولوب، آغلوردی، یوسفی آپاردلار یعقوب قاشدی دالسیجاق یوسفین دوباره باسدی باغرنا، ایلیه بولموردی یوسفیدن آیرلا، یوسفده آتاسی یعقوبیدن آیرلان موردی، تا بیر فرصت تاپردی آتاسینون فراقونده آغلوردی، یعقوب دا یوسفین فراقینده آغلوردی.
حالا گور سیدالشهدا نه چکوب؟ یوسف هارا «أَشْبَهَ النَّاسِ بِرَسُولِ اللَّه» هارا؟ یوسفین قارداشلاری هارا، لشکر یزید هارا؟ یعقوب هارا،سیدالشهدا هارا؟ایندی سیدالشهدانین حالین درک ائله
هر نحوی ننیدی سیدالشهدا علینی اهلبیتوندن آیردی، سیدالشهداء علی اکبری بیر باسدی باغرینا، یوزوندن ئوپدی، گوزلریندن ئوپدی، سیدالشهدا اوزی رکاب دوتدی علینی سوار مرکب ائله دی، مرکب آرام آرام یولا دوشدی، سیدالشهداده پیاده مرکبین دالسیجاق حرکت ائله دی «فَرَفَعَ رَأسَهُ إلَی السَّماءِ» هردن گویه باخوردی، دئیوردی الله شاهد اول بالامی یولادیم شمشیرلره طرف، اگر ائسته سن سیدالشهدانین حالین بوله سن بو بیر جمله بسدی، باشین قوزادی گویه؛ اللرین آپاردی محاسینین آلتندا «اَللّهُمَّ اشْهَدْ عَلی هؤُلاءِ الْقَوْمِ» الله اوزون شاهد اُول بیر جوانی کی«خَلْقاً وَ خُلْقاً وَ مَنْطِقاً» سنین پیغمبریوه شبیه دی یولادیم میدانه. باشین سالدی آشاقا، باشدان ایاقا بیر علینون قامتینه باخدی «فَنَظَرَ إِلَیهِ نَظَرَ آیسٍ مِنْهُ» بیر مأیوسانه باخیشی نان علیدن خداحافظی ائله دی (1)
▪️▪️▪️▪️
#گریز #ترکی برای این متن از مرحوم میرزا عبدالوهاب #حقیر_خویی
.
یولا سالاندا جوانین شهید عشق الاه
کمال حسرتیله آردیجا ایدردی نگاه
.
یاناردی اول شه عطشان شرار نسگلیله
خطاب ایدردی سپاه جفایه بو دلیله
.
اکبر گلوری اهل جفایه خبر اولسون
آماده اونون قتلنه قوم کفر اولسون
.
گتدیم بو جگر گوشه می قربانگه عشقه
آماده دی باش ویرماقا راه شه عشقه
لابدّ اولان مرحله پیما ره عشقه
هر باره ده تسلیم قضا و قدر اولسون
ـــــــ
(1) از کتاب گلچین روضه های ترکی استاد موسوی باروق
.
#اکبریه_متن_روضه
#اکبریه_شهادت
#ترکی
.
✍️ #زبدةالاشعار ✍️
?: @nohe_torki
نظر دهید