زبانحال حضرت موسی ابن جعفر علیه السلام
.
✍️ #زبدةالاشعار ✍️
.
🆔: @nohe_torki
.
حاج اسماعیل فرشی (غمخوار)
.
.
سند الیندن اورگیم قاندور آنا
منزلیم گوشۀ زنداندور آنا
.
.
منی محبوس ایدوب هارون دنی
اوغلوون یوخدی گلوب یا گیدنی
گوزلورم گوشۀ زنداندا سنی
گلماقون دردیمه درماندور آنا
.
.
کاینات تاپماقا ناظم سببم
درگه حقده اعاظم حسبم
موسی جعفر و کاظم لقبم
گل گور اوغلون نجه گریاندورآنا
.
.
قان اولان ای دل صد پاره سی گل
هامی بی چاره لرین چاره سی گل
جان ویرور بو وطن آواره سی گل
گوزی یولدا بو پریشاندور آنا
.
.
منی هارون ایله دلگیر ایلدی
حقّیمی دانماقا تزویر ایلدی
ظلمله بستۀ زنجیر ایلدی
من گوزی یاشلی او خنداندور آنا
.
.
سارالوب ظلمله سولدی چمنیم
سالوب اوت عالمه درد و محنیم
باغلیوبلر یولی یوخدور گلنیم
مونسیم ناله و افغاندور آنا
.
.
قویسالار واردی منیم یاد ایدنیم
بو دولان غملی دلی شاد ایدنیم
بیر بالامدور گلوب امداد ایدنیم
اودا یثربده دلی قاندور آنا
.
.
تیره شام ایلدیلر گوندوزومی
یتورم قویمادیلار حق سوزومی
ایلدیم دوزماقا وادار اوزومی
شاهدیم عالم امکاندور آنا
.
.
قویدی بیر آد منه اشرار زمن
اولماسون تا آناجان حقیم علن
ناخوشام لیک عیادت قدغن
افّ اولا گور نجه دوراندور آنا
.
.
متعدد بو نچه ایلده سجون
ایتمه مشدی غم واندوهی فزون
ایمدی بیر یر که ویروب حاکم دون
گجه گوندوز منه یکساندورآنا
.
.
سنه واضحدی آنا دلده سوزوم
هر بلا و غمه وار منده دوزوم
کنج محبسده قالوب یولدا گوزوم
غملی روحیم طلب جاندور آنا
.
.
دلیمی درد و محن تیری دلیر
گونده مین غصه بو دلگیره گلیر
ایمدی معصومه یوزه اشگین الیر
فرقتیمده دلی سوزاندور آنا
.
.
نچه ایلدرور که آلوب غصّه دله
اولمیوب گوز یاشنی کیمسه سیله
گر بو احوالیمی معصومه بوله
گوندوزی شام اونا هرآندور آنا
.
.
گورماقا واردی رضانی هوسیم
اودی دفن ایلینیم داد رسیم
سنیله گلسه باشم اوسته بسیم
دل وصالوزده شتاباندور آنا
.
.
#کاظمیه_غمخوار
#کاظمیه_شهادت
#سند_الیندن_اورگیم_قاندور_آنا
#ترکی
.
✍️ #زبدةالاشعار ✍️
.
🆔: @nohe_torki
نظر دهید