زبدةالاشعار

سنسیز مدینه ده بیچاره فاطمه #حضرت_صغری #صراف_تبریزی

زبانحال جناب فاطمه صغرا(ع) در مدینه منوره
.
✍️ #زبدةالاشعار ✍️
.
🆔: @nohe_torki
.
مرحوم حاج رضا صراف تبریزی
.
سنسیز مدینه ده بیچاره فاطمه
قان یاش تؤكر على، رخساره فاطمه
.
.
قویمازدون ائیلسون غم خانه کونلومی
ایندی ائدوب علی، ویرانه کونلومی
هر کیم گورر منیم دیوانه کؤنلومی
کؤنلی یانوب دئیر بیچاره فاطمه
.
.
صبح و مساء على هر گون بوحالیلن
گؤز یولدا منتظر دوررام خیالیلن
ایندی بابام گلور اهل و عیالیلن
قویماز یانا داخی اودلاره فاطمه
.
.
آیا روادی سن ترک حجاز ائله
جانانیلن اوتور راز و نیاز ائله
قو رختخوابده، سن خواب ناز ائله
قویسون یوزین، علی دیواره فاطمه
.
.
من خوش دلم غم و رنج و عنائیلن
بیگانه، آشنا اولماز بلائیلن
هم صحبت اول علی سن آشنائیلن
درد دلین دئسون اغیاره فاطمه
.
.
چوخ درد فرقتون ائیلر اثر منه
بیر کیمسه یوخ وئره سندن خبر منه
قسمت اولا، علی وصلین اگر منه
باخماز یقین گل گلزار فاطمه
.
.
یوخدور آنام من بیماره یار اولا
منله بو غم گونی بیر غمگسار اولا
کاش ایندی جسمدن روحیم کنار اولا
گلمیش زمانه ده زنهاره فاطمه
.
.
بیگانه لر کیمی دورما کناردن
گل کئچدی آیریلوق حدّ و قراردن
قورتارگیلن منی بو انتظاردن
چوخ منتظر قالوب دیداره فاطمه
.
.
سن آل کناروه ماه مدینه نی
قوی کنج سینه یه در ثمینه نی
کؤنلوم چوخ ایستیری قارداش سکینه نی
مایلدی محفل دیداره، فاطمه
.
.
قربان اولوم سنه، ای رشک ماه و خور
آیا زمانه ده رسم وفا بودور
سن بزم وصلده لیلا ایله اوتور
مجنون کیمی اولا آواره فاطمه
.
.
صرّاف اولوم فدا من آه سردیوه
توک قانلو گؤز یاشون رخسار زردیوه
محشر گونونده ای بیچاره دردیوه
تا بلکه ائیله یه بیر چاره فاطمه
.
.

متن پیشنهادی:  اصغریم اصغریم بالا آغلاتما ربابی #اصغریه_متقی_تبریزی

#حضرت_صغری #صراف_تبریزی
#سنسیز_مدینه_ده_بیچاره_فاطمه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی