زبدةالاشعار

بو قبرون اوستونه باجون هم شاد و هم نالان گلوب #اربعین_عدلی_تبریزی

اربعین
.
✍️ زبدة الاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
بو قبرون اوستونه باجون هم شاد و هم نالان گلوب
دور میزبانیم اول حسین زینب سنه مهمان گلوب
.
.
قرب حقیقتده باجون گلدی مقام اکبره
معراج ایدوبدی گوئیا چاتدی بو عرش داوره
بو روضۀ برینیده واردور سلامی محضره
دور قبریدن منلن دانوش دی دردیوی آلان گلوب
.
.
بونهضتون جهانی دور قارداش جهان آغلارسنه
بو مکتبون قرآنی دورپیرو جوان آغلارسنه
زهرا آنام حیدربابام جنّتده قان آغلار سنه
بو قبریوه زوّار اولوب بیر دسته نوحه خوان گلوب
.
.
کربو بلاده ای آچان عشق و محبّت مکتبی
بل باغلادیم من عشقیوه سنسن او عشقین منصبی
دورگوربو عشق اوسته نجه غملرقوجالدوب زینبی
سنگ صبوروم اول باجون ایتسون غمین بیان گلوب
.
.
بو مهد با وفا یره باجون فدا حسین اولا
دور غصه دن قورتار منی من شامیده گودوم جفا
گلدیم بوقبره ساخلیم بیر اربعین سنه عزا
قرخ گوندی منلن آغلین سجّاد باغریقان گلوب
.
.
گلدیم سپم گوزیاشیمی قارداش لب عطشانیوه
قربان اولوم بوردا یاتان جسمی اولان القانیوه
پیکان امن اول سینده اصغرکیمی قربانیوه
گور یاتمیوب بیر نحویلن بولدوربالا آنان گلوب
.
.
شامه گیدنده اولمادی فرصت یاراوی باغلیم
گلدیم بو قبر پاکوه بو یرده سینه داغلیم
هریرده گیزلین آغلادیم ایندی دویونجان آغلیم
زینب نجه اودلانماسون دور حالیوه یانان گلوب
.
.
سالدی غم هجرون منی قارداش حسین چولدن چوله
داغلار بویی غم اوستومه یاغدی ولی گلمم دله
چاتدیم مرام و مقصده کاش بوردا زینبون اُله
بو قبریوه جانین ایده باجون اخا قربان گلوب
.
.
ال چکمرم سندن حسین من درد هجران بولموشم
تا من یتم بو کعبیه مین یول اولوب دیریلموشم
دورپیشواز ایت زینبی دلده مین افغان گلموشم
نطقیله بزم شامیده شامی ایدن ویران گلوب
.
.
نه یراولوب مکان بیزه نه سن سوروش نه من دیوم
روقیّن اولدی باغریقان نه سن سوروش نه من دیوم
خرابه ده ویروبدی جان نه سن سوروش نه من دیوم
اسوبدی سر سرجفا بهار گیدوب خزان گلوب
.
.
ایتمه خجالت زینبی آلما رقیه ندن خبر
دیلدن ایدردی آرزو منلن اولیدی همسفر
غم غصه لر یوردی اونی باتدی سهاتک بیر سحر
قازدیم مزارینی اوزوم بو غم منه گران گلوب
.
.
سویلردی هرزمان منه عمه باشی بلالیم
خرابه اولدی مسکنیم ایلدن نیه آرالیم
قمچی یرین نشان ویروب دیردی گور یارالیم
گورردیم اشگ غم نجه عذارینه روان گلوب
.
.
مزاره تاپشورندا من دنیا دولاندی باشیمه
درده گتوردی قلبیمی قاریشدی قان گوز یاشیمه
قلبیم بوشالسون دردیدن نقل ایلورم قارداشیمه
بلبل کیم گل اوستونه دور اهل بیت نالان گلوب
.
.
قرباندی جانی«عدلینون» قبر ایچره قانلی پیکره
سنلن یاتان هم اصغره پائین پاده اکبره
یاد ایلیوب عمرون تمام آغلار او زخم حَنجَره
یاز بیربرات کربلا گورسون اودا مهمان گلوب
.
.
#اربعین_عدلی_تبریزی
#بو_قبرون_اوستونه_باجون_هم_شاد_و_هم_نالان_گلوب
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  صرصرین اسماقی،گوللری درماقی #حسینیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی