محرابه آخدی مرتضی قانی بو گونده #حیدریه_رضوی_زنجانی

نوحه ضربت – 19 رمضان
.
.
✍️ #زبدةالاشعار ✍️
.
🆔: @nohe_torki
.
.
#سبک_ای_درد_بی_درمانلارا … 10 سبک
مشابه
.
.
رضوی زنجانی
.
محرابه آخدی مرتضی قانی بو گونده
عرشه اوجالدی زینب افغانی بو گونده
.
.
سس دوشدی شهر کوفه ده مولا یخلدی
محراب ایچینده اُسوۀ تقوا یخلدی
مرد شجاعت شیر بی همتا یخلدی
آغلار قویوبلار آل طاهانی بو گونده
.
.
ظلم آتشی اوج ایلدی عرشه دایاندی
بو اوتدان اوت دوتدی عدالت نخلی یاندی
تیغ ستمله ماه تابان پارچالاندی
تیره شبه دوندردی دنیانی بو گونده
.
.
اول بی حیا شمشیر ائدن وقته حواله
باش پارچالاندی قان آخوبدی مه جماله
جبریل باشدان تاجی گوتدی ائتدی ناله
قان ایچره گوردی رکن ایمانی بو گونده
.
.
محرابیده مشغولیدی راز و نیازه
بیر یاره دگدی قان توکولدی جانمازه
یوز وئردی بیر حالت او سشاه عشقبازه
ار جنتده زهرانی بو گونده
.
.
یللر اسوب وحشت دوشوب روی زمینه
صدمه وئروب کفرون الی دین مبینه
ضربت دگوبدور تیغیله ارکان دینه
دشمن یخوبدور روح قرآنی بو گونده
.
.
پوزقون گوروبلر حال فخر الناسی اوندا
دوشدی شماره حیدرین انفاسی اوندا
آچدی گوزونی ایستدی عباسی اوندا
مولا خبر وئردی بو جریانی بو گونده
.
.
عباسیم ای غیرتلی سرداری حسینون
ای غم گونونده یار و غمخواری حسینون
تنها قالاندا اول هواداری حسینون
مطلبده آگه ائتدی سقانی بو گونده
.
.
#حیدریه_شهادت
#محرابه_آخدی_مرتضی_قانی_بو_گونده
#ترکی
.
✍️ #زبدةالاشعار ✍️
.
🆔: @nohe_torki