سنه نه گلدی علی اکبر ای ملک منظر #اکبریه_یحیوی_اردبیلی

زبانحال امام (ع) در بالین حضرت علی اکبر (ع)
.
#زبدةالاشعار
.
: @nohe_torki
.
مرحوم یحیوی اردبیلی
.
سنه نه گلدی علی اکبر ای ملک منظر
جمالی صورت ختم پیمبره بنذر
.
امان جفای عدودن جفای قاتلدن
عمودیلن او ستمگر سنی سالوب دلدن
.
قانین سیلوم گوزیوین ایندی دامنیلن على
او قانلی گوزلریوی آچ دانیش منیلن على
.
یارالارون سانا گلمز باشوندا سینونده
دگوب قلج باشیوا بند اولوب جبینونده
.
بو سرو قد یئره آتدان دوشنده من ئولدیم
سسون قولاقیمه گلدی هراییوه گلدیم
.
قلج دگوب وسط زلف عنبر افشانه
آخوندی قان عربی کوینگون باتوب قانه
.
هانی سنون علی اکبر کلام شیرینون
هایاندا گیزلنوب آیا او خال مشگینون
.
اورکده مین غم و مین درد و انتظار واریم
قویوب عبایه سنی خیمیه نئجه آپاریم
.
گتوردی اکبری چون خیمیه عباده حسین
عیان محشر ائدوب دشت کربلاده حسین
.
خیامدن توکولوب اهل بیت پیغمبر
آرایه آلدیلا گلناری پیکری یکسر
.
آچیلدی دوره ده باشلار یولوندی گیسولر
او نعشون اوسته الندى خزان کیمی مولر
.
بیری آتوب الینی ایلدی یاخاسینی چاک
بیری سووردی ایکی اللی باشه یئردن خاک
.
بیری کئچردی صولا گه کئچردی ساقیندن
گھی اوپردی دوداقین گھی ایاقیندن
.
بیری دییردی بئله یاتما جان باجون قربان
سوسوز دوداقلاریوا باغریقان باجون قربان
.
بیری دییردی یارالاریوه بیبون قربان
یارالانان سر خونباریوه بیبون قربان
.
.
.
#اکبریه_شهادت
#سنه_نه_گلدی_علی_اکبر_ای_ملک_منظر
#ترکی
.
#زبدةالاشعار
.
: @nohe_torki