زبانحال حضرت مسلم (ع)
.
#ترکی
.
✍️ #زبدةالاشعار ✍️
.
🆔: @nohe_torki
.
#سبک_کربلا_قبله_عشقیمدی_منیم
#سبک_کوفیان_گور_نجه_یاندیردی_منی
.
#سبک_اویان_ای_یار_وفاداریم_اویان
واگیر برای این سبک:
آغلاداللار گوزیوی
اولدورللر اوزیوی
.
مشابه
.
.
مرحوم تائب تبریزی
.
گلمه بو کوفۀ ویرانه حسین
دؤندره للر اورگین قانه حسین
سس ویرن یوخ من نالانه حسین
یوخ منه منزل و کاشانه حسین
.
.
ای یوزی آئینه مهر و وفا
ای ویرن جمله سنق قلبه صفا
قانوه تشنه دی بو اهل جفا
گلمه گلسن باتاسان قانه حسین
.
.
کوفیان آندیلار ایمان لارینی
درهمه ساتدیلار قرآن لارینی
سندیروب عهدیله پیمان لارینی
پشت پا وردیلا پیمانه حسین
.
.
گر چه دعوت شده بیر مهمانم
میزبان یوخ منه باغری قانم
کوفه ده کوچه ده سرگردانم
گیدرم دلشده هر یانه حسین
.
.
اَسمیوب کوفیه بیر باد وفا
تاپمیوبدور اوزینه رنگ صفا
دیمه کوفه سوله بیر شهر جفا
ظلمی مشکلدی گله سانه حسین
.
.
دلده حسرتله یارام واردی منیم
بو یارام تا که وارام واردی منیم
گتماقا بوردا هارام واردی منیم
یوخ منه منزل و کاشانه حسین
.
.
بو باشمدان یول آزانلار داغلوب
ئولدوروب قبر قازانلار داغلوب
نچه مین نامه یازانلار داغلوب
سس ویرن یوخ من نالانه حسین
.
.
مردم اوّلده وفا گوستردی
قهره صون مهرلرین چوندردی
هامی مندن یوزینی دوندردی
دولانوب اولدیلا بیگانه حسین
.
.
یوزیمه باغلادی راه چاره
ساق صولا گه گیدرم آواره
قویارام گه یوزیمی دیواره
ایدرم ناله یانا یانه حسین
.
.
کوفه شهرین ایدرم مد نظر
ویروری قان ایگی هر راه گذر
قانلو قاتللریم آردیمجا گزر
توکه لر قانیمی میدانه حسین
.
.
آغلارام من منه وار چوخلی گولن
یوخدی بیر درده یتوب درد بولن
واردی نه گوز یاشیمی یوزده سیلن
توکرم اشگیمی دامانه حسین
.
.
خوش دوشر یاره حبیب آغلاماقی
غمیله غصّه نصیب آغلاماقی
یارادار حشر غریب آغلاماقی
آغلارام منده غریبانه حسین
.
.
جاندان اَل اوزموشم ای شاه زَمَن
آغلارام چوخ سنون احوالوه من
قورخورام سنده بو شهره گله سن
دوشه سن آتش سوزانه حسین
.
.
سن که پیغمبره سن روح روان
ترک ایدوب منده علی تک سر و جان
من ئولوم سن یاشا ای شاه جهان
جانشینم شه مردانه حسین
.
.
کوفیان ایمدیدن اعلان ایلر
گلمه گلسن سنه طغیان ایلر
بی سخن قانوه غلطان ایلر
گلمه بو کوفۀ ویرانه حسین
.
.
گلمه بو طایفۀ سفیانی
ئولدورر اکبر مه سیمانی
هجری مجنون وفا لیلانی
سالی گوز یاشلی بیابانه حسین
.
.
گتوسن زینبین اوغلانلارینی
جاندان آرتوخ او دل و جانلارینی
دوغریه للر قوزی قربانلارینی
حشر اولار زینب نالانه حسین
.
.
گتوسن قاسم گل پیرهنی
گل نورستۀ باغ حسنی
برگ برگ ایلیوب اشرار دنی
دوندره للر گل خندانه حسین
.
.
گلمه الدن ویره سن عبّاسی
حیفدور حیف او ادب سیماسی
یخدیلار قامت سرو آساسی
سو کنارینده باتار قانه حسین
.
.
بوردا بر عکس سنی یوخلاللار
دلده آز اولسا غمون چوخلاللار
الون اوسته بالاوی اوخلاللار
قان ایچرده لّر او عطشانه حسین
.
.
فاطمی لر اورگین داغلاللار
هم سویوب قیزلاری هم آغلاللار
زینبین قوللارینی باغلاللار
گَلی بازاره اسیرانه حسین
.
.
تائبا مسلم آدین یاد ایله
آغلا احوالینه فریاد ایله
او سنق گوگلنی آل شاد ایله
آغلیوب مسلمه فرزانه حسین
.
.
.
#گلمه_بو_کوفه_ویرانه_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید