سنی تسبیح ائدر صبح و مسا ارض و سما یارب #مناجات_حضرتی_ناعمی

یارب
.
#زبدةالاشعار
.
: @nohe_torki
.
علیرضا حضرتی
.
سنی تسبیح ائدر صبح و مسا ارض و سما یارب
سنه شایسته دی علمون قدر حمد و ثنا یارب
.
یارانمیش بیر اشارونلن فلکلرده، ملکلرده
دئدون کن فیکون اولدی سراسر ماسوا یارب
.
دیلیم عاجزدی وصفونده مِن اَن یوصَف دن اعلاسن
منیم فهمیم هارا؟ دامان اوصافون هارا؟ یارب
.
اوجا داغلار سنه سجده ائدر، یئر گوی سنی سسلر
اسر یئل، موج ائدر دریا دیلینده ربّنا یارب
.
سوا باخدیم سنی گوردوم، گوله باخدیم سنی گوردوم
جمالون گوندن آیدیندی، ندن بس لایُرا یارب
.
آنامدان مهربان سنسن، آتامدان مهربان سنسن
محبتده سنه اولسون آتام آنام فدا یارب
.
دوراندا قبلیه ساری آخار رخساره گؤزیاشیم
نَفختُ فیهِ منِ روحی دوشوب سندن جدا یارب
.
سایا گلمز نقدری ایلیوبسن نعمت ارزانی
اگر نوح عمرونی باشدان باشا نعمت سایا یارب
.
نفَس چکدیکجه حسّ ایلر وجودیم لطف و احسانون
حیاتیم فانیدی بیر لحظه لطفون اولماسا یارب
.
منه باخ کی دمادم گورموشم لطف و عطا سندن
الیمدن گلمیوب اما بیر ایش غیر از خطا یارب
.
نمازیم حیله دی، خمسوم ربا، حجّیم تجارتدی
منی غرق ایلیوب دنیاده بو رنگ و ریا یارب
.
بویوردون فاعبدونی نفسیمه من اولموشام بنده
نجه گور ایلورم اول دوز چورک حقّین ادا یارب
.
دیلیمه مالک اولسیدیم، گوزومه حافظ اولسیدیم
اورکده اولمازیدی وحشت روز جزا یارب
.
اوزون عمروم کچوب غفلتده، عصیاندا، جهالتده
اولوبدور دسترنجیم آهیلن واحسرتا یارب
.
قاناد لاتَقنَطوا وئرمیش گلوب پروازه گفتاریم
اسیرم من اسیر حالت خوف و رجا یارب
.
باخوب گوردوم گناهیم چوخ آغیردی شرمسار اولدوم
ائشیتدیم رحموی امّا سنون بی انتها یارب
.
اؤزون بیرده الیمدن دوت الهی کوسمه سن مندن
اوزوم هر چند پرونده م کیمین اولموش قرا یارب
.
اماندی رحم ائله بو مبتلایه، سنسن عالمده
تُذلّ من تشا یارب تُعزّ من تشا یارب
.
نه‌ییم واردی، کیمیم واردی، هارام واردی پریشانم
امیدیم دور فقط بیر خامس آل عبا یارب
.
چوخ ایسترسن حسینی، بالحُسینِ اغفِر لِیَ الذَّنبی
عزاسینده دؤنوب بیر عمر بو قلبیم قانا یارب
.
.
#سنی_تسبیح_ائدر_صبح_و_مسا_ارض_و_سما_یارب
#ترکی
.
#زبدةالاشعار
.
: @nohe_torki