سنی یاددان چیخاردان یا حسین درده دچار اولسون #عباسیه_خوشزاد

حسیندور صاحب عزت …
.
✍️ #زبدةالاشعار ✍️
.
🆔: @nohe_torki
.
مرحوم سید حسن خوشزاد
.
سنی یاددان چیخاردان یا حسین درده دچار اولسون
سنی انکار ایدن نامردلر همواره خوار اولسون
.
ابوالفضلین سنون مردان دنیایه مقابلدور
گرم ام البنین اوغلی مدال افتخار اولسون
.
ایکی قول بیر گوزوندن چون گیچوبدور مکتب اوستند
گوروم بو مکتب عالمده همیشه پایدار اولسون
.
حقیقت غیرت الله اوغلی غیرتمندیدور عباس
یانوندا وار یری مردان عالم شرمسار اولسون
.
حسین لایق بولوب عباسی سردار سپاه ایتدی
حسینون باوفا سرداری خوشدور سربدار اولسون
.
یوزون شمره دوتوب عباس بو نوعی خطاب ایتدی
حسینی سوؤمین نامردیلر بیزدن کنار اولسون
.
منم عبّاس نام آور آنامدور فاتح خیبر
جهاندا کیم گوروبوور شیر روباهه شکار اولسون
.
حسین قویماز حکومت ایله سین ابله لر احمق لر
حسین اعلان ایدوب آل امیه تار و مار اولسسون
.
حسیندور صاحب عزت ولی هند اوغلی بی غیرت
حسین نهضت ایدوب تا که عدالت برقرار اولسون
.
دیدی شمره یتور تیز مارده عبّاس پیغامون
امیدیم وار صباح شمشیر عبّاسه دچار اولسون
.
حسین روحیم حسین جانیم حسین فکریم حسین ذکریم
حسین سیز بیر گونوم گئچسه سراسر ننگ و عار اولسون
.
یخوبدور پهلوانلار حیدر اوغلی شیریدور عبّاس
کیمین وار جرأتی عبّاسیله هم کارزار اولسون
.
حقیقی نوحه خوان ساتماز اوزون سیم و زره «خوش زاد»
سزادور نوحه خوانلاردا وقار و اعتبار اولسون
.
#عباسیه_خوشزاد
#حسینیه_مدح #عباسیه_مدح
#امان_نامه
#سنی_یاددان_چیخاردان_یا_حسین_درده_دچار_اولسون
#ترکی
.
✍️ #زبدةالاشعار ✍️
.
🆔: @nohe_torki