زبدةالاشعار

دل آچماقا تا گلدی دلین رغبته ای اوخ #حسینیه_دلپاک

#ای_اوخ
زبانحال حضرت اباعبدالله الحسین (ع) با تیر سه شعبه
.
.
.
رضا غلامپور (دلپاک)
.
.
دل آچماقا تا گلدی دلین رغبته ای اوخ
تشنه دلی راغب ائلدین صحبته ای اوخ
.
.
معلومیدی سرّ عملین قوۀ جاندان
نه قوه کی محرومیدی جان اصل تواندان
اوزدون او زمان کی الیوی دست کماندان
دگدون منه سالدی منی چوخ زحمته ای اوخ
.
.
اندیشه گه عشقیده بو قلبه طلب سن
چون طالب آلام بلیّاته تعب سن
اولمازدون امورات بو افکاره سبب سن
دگموردون اگر سینۀ حریّته ای اوخ
..
..
هر اوخ کی ووروبدور منه جمعیّت اشرار
هر تک تکی دگدوقجا ائدوب یاره نی تکرار
بو یاره کی سنسن سببی سینه ده زینهار
هر یاره نی جسمیمده سالیب حیرته ای اوخ
..
..
سرشاریدی بس وحدتیله جام محبت
گلمز نظره کوی مصیبتده ملالت
آوردگه غمده ولی وقت اصابت
سالدیم منی باخ گور نجه بیر حالته ای اوخ
..
..
خوش لعلیله ناگه دولی گنجینم آچیلدی
گنج ازلی گنجۀ دیرینم آچیلدی
آلدیم سنی آغوشیمه تا سینم آچیلدی
آخدوقجا قانی یازدی غمون تربته ای اوخ
..
..
جز معرفت بی بدل حضرت خالق
کیم خلق اولونوب معرفت حق خلایق
گوردون کی تهیدور بو ضمیر ایچره علایق
تا دوشدو یولون بزم گه خلوته ای اوخ
..
..
تحقیقه اگر دل آچا مستنطق وحدت
گویادی بو تحقیقه یقین بیزده کی حالت
توضیح نه لازمدی بودور اصل حقیقت
وئردیم نه کی سرمایه میدی وحدته ای اوخ
..
..
بو یئر کی دوتوبسان سند شهر وفادور
هر صبح و مسا محفل تمجید خدادور
کانون حقیقتدی خیال ائتمه یارادور
حسرت دگی هرگز بو اورک صحته ای اوخ
..
..
واقفدی بو دل علّت ایجاد وجوده
مشتاقیدی محراب عبادتده سجوده
بس معتکفه حقیدی هر مسجد جوده
دلخوشدی بو حالیله گئنه طاعته ای اوخ
..
..
بیر سلسله یاره کی موثردی ملاله
سالمازدی منی هر قدر اولسیدی بو حاله
قدیم دونوب آخر فلک غمده هلاله
تاثیر ائلیوب تا اثرون قامته ای اوخ
..
..
گویادی ستم قرعه سی بو جنگه دوشوبدی
ظلم اهلی جفا ائتماقا مین رنگه دوشوبدی
سن قلبه دگندن نفسیم تنگه دوشوبدی
بو محنتین افعالی دوشوب صورته ای اوخ
..
..
چون رشتۀ حریّته بستیدی وجودیم
مطلق بو دلیل اوسته خجستیدی وجودیم
گوردون کی دگنده منه خستیدی وجودیم
دینجلماقا گلمیشدی دلیم همته ای اوخ
..
..
بو حالیدن آیینۀ طاقت کدر اولدی
خارج سنی ائتماق منه مدّنظر اولدی
چکدوقجا سنی سویلیوم آخر نلر اولدی
دل پارچالانیب دوشدو اورک محنته ای اوخ
..
..
بیر سن کیمی سی خیرداجا بیر دلبره دگدی
قنداق دولوسی جان رباب اصغره دگدی
بیرده بیری عباس هنر پروره دگدی
تا دوشدو قولی گلدی قشون جرئته ای اوخ
..
..
بو مسئله کی حلّی چوخ انسانه چتیندور
تا واردی جهان حضرت حق حقّه معیندور
دلپاکه ،قسم حضرت دلداره یقیندور
ناحق اوخ آتانلار دوشجاق ذلته ای اوخ
..
..
برای دسترسی به اشعار موضوعی فوق ، روی هشتک زیر کلیک کنید
#ای_اوخ
..
..
#قتلگاه #حسینیه_شهادت #حسینیه #دلپاک #ای_اوخ_دلپاک #دل_آچماقا_تا_گلدی_دلین_رغبته_ای_اوخ #ترکی #زبدةالاشعار

متن پیشنهادی:  جشن و شادی شده بر پا #حسینیه_ماه_پری_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی