کوچ از کربلا
زبانحال حضرت زینب (س) با برادر
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
مرحوم تائب تبریزی
.
سن شهید اولدون شریعت پایدار اولسون حسین
من اسیر اولدم حقیقت آشکار اولسون حسین
.
.
سن منای عشقیده اولدون حسین قربان دین
تا آخان قانین کیمی جاری اولا فرمان دین
ایلرم منده بیان هر شهرده عنوان دین
دین و قرآنه جهاندا اشتهار اولسون حسین
.
.
سن یخلدون سو یانندا تشنه لب خونین جگر
تا اولا دنیاده سیمای شریعت جلوه گر
منده تبلیغات دینه باغلادیم محکم کمر
حق مرامون گوندن آیدین آشکار اولسون حسین
.
.
قانویله سن منه یازدون سفر برنامه سی
منده گیدیم افتخاریله اسارت جامه سی
کوفه و شاماته سالّام بیر جزا هنگامه سی
تا یاتان ملت آییلسون هوشیار اولسون حسین
.
.
سن نه فرمان یازمیسان اجرای فرمان ایلرم
هندین اوغلی هر نه ظلم ایلوبدی اعلان ایلرم
آل سفیانی ایله رسوای دوران ایلرم
تا ابد رسوای دور روزگار اولسون حسین
.
.
آل سفیان بیر جماعت دور ستمگر کینه جو
قان توکن ، پیمان شکن ، اهل شقاوت ، زشت خو
ضد قرآن و شریعت بی حیا ، بی آبرو
ویرّم اعلان حق باطلدن کنار اولسون حسین
.
.
اهل کوفه بی وفالیقدا اولوبدی منتخب
جمله عمّالی عدالتدن بری دور بی ادب
خائن قرآن و دین دور مایة ننگ عرب
قدرت سفیانیانه ننگ و عار اولسون حسین
.
.
زینبم زهرا شیم وار منده روح انقلاب
مجلس ابن زیاده گر گیدم قولدا طناب
سینمارام هر سوز دیسه ویرّم اونا فوراً جواب
ایله سیندیرام او ظالم شرمسار اولسون حسین
.
.
گون کیمی حقون سنون کونه پدیدار ایلرم
عالمه هشدار ویرّم خلقی هشیار ایلرم
غفلتیله یوخلیان دنیانی بیدار ایلرم
روح قرآن و شریعت کامکار اولسون حسین
.
.
شامیده هند اوغلی اولسا باده دن مخمور مست
ایسته سه ایتسون اهانت دینه اول دنیا پرست
آیة قرآنیله ویرّم او ملعونه شکست
تا که سر افکنده اول بی بند و بار اولسون حسین
.
.
اولمادی امکان بابام شیر خدای داوره
شامده گتسون یتورسون حق سوزون نا حق لره
یوللارام بیر گون بالان سجادی اوردا منبره
مرتضانین گیزلین حقّی آشکار اولسون حسین
.
.
قدرتیمله من حسین تسخیر شامات ایلرم
حقّوی باطل لره معلوم و اثبات ایلرم
بیله فتح و نصرت اوستونده مباهات ایلرم
اهل اسلامه بو فخریم افتخار اولسون حسین
.
.
گون کیمی روشن اولار دنیاده حقّانیّتون
خلق اولار حالی که دین احیاسی اولموش نیبتون
عالمه اعلان اولار بی پرده موجودیّتین
حقّوه منکر ایده بیلمز شرار اولسون حسین
.
.
اوندا کی شامی مسخّر ایلدیم ای محتشم
ویرماقا تاریخ آل هنده بیر نقش عدم
شامیده ویرانیه ورّام حسینی بیر عَلَم
پرچمون قانون آلینجا بر قرار اولسون حسین
.
.
ایسترم اولسون آدون دنیاده پاینده حسین
قویّام اوردا بیر سه ساله قیز نماینده حسین
تا بوله نه قدرتون وار نسل آینده حسین
مذهب اثنا عشرده پایدار اولسون حسین
.
.
«تائبا» گیت دینون اورگش مرد دیندار اول گلن
دین یولون دوت عاقل اول دینونده هشیار اول گلن
قول و فعلیله حسینه نصرت ایت یار اول گلن
تا سنه هنگامۀ محشرده یار اولسون حسین
.
.
#قتلگاه
#سن_شهید_اولدون_شریعت_پایدار_اولسون_حسین
#ترکی
.
#زبدةالاشعار
.
: @nohe_torki
نظر دهید