زبانحال حضرت علی اکبر علیه السلام
.
✍️ زبدة الاشعار ✍️
?: @nohe_torki
.
مرحوم حاج محمود رهبری تبریزی
.
گل حلال ایله منی عازم میدانم آنا
داخی مندن گوتور ال خالقه مهمانم آنا
.
بیرده مشکلدی گلم خیمیه گورماقه سنی
گوزلمه بیرده منی دینیمه قربانم آنا
.
تاپشور آللهَه منی درک شهادت ایلیوم
ویرموشم خالقه سوز واقف پیمانم آنا
.
دوز فراقیمده منیم ایتمه گیلَن آه و فغان
سن بولورسن که اوزون عاشق جانانم آنا
.
آغلاما حسرتیله اکبرون آغلاتما بیله
چاره یوخ الده داخی طالب فرمانم آنا
.
قوی سالوم بوینوا قول سنده قولون بوینوما سال
آیرلیق عالمی دور واله و حیرانم آنا
.
گلمه گوز یاشلی دالیمجا بیله شیون ایلمه
منی صاق قویماز عدو حال پریشانم آنا
.
من بو چولده ایدرم عهدیمه دین اوسته وفا
عاشق دینم اودور دینمی خواهانم آنا
.
دین یولوندا سینوی ایله سپر تیر غمه
عهدیمه ایله کمک دینمه قربانم آنا
.
من حسین اوغلی علی اکبرم اکبر دور آدیم
نقدر اولمه میشم حامی قرآنم آنا
.
فن جنگی منه چون اورگدوب عباس عموم
شوقیدن پَر آچورام باخما که نالانم آن
.
شیر رزمم من آنا شیر خدا مظهریم
جنگه اَل آچسام اگر قورخولی طوفانم آنا
.
اولموشام اُولماقا آماده قالا زنده بو دین
غم دین اوسته اودور من دل سوزانم آنا
.
آی بولوت آتدا قالا دوشمزاونون نوری یره
آیدا یوخ من تک ایشق اختر تابانم آنا
.
جنگه ال آچسام اگر حیدر کرار کیمی
تاب ایدنمز بو قوشون غالب عدوانم آنا
.
پوزارام صفلری بیر حمله ده صف لر داغیلار
قوشون آنلار بو سوزی وارث عمرانم آنا
.
دین یولوندا منی گر دوغرسالار کوفه لیلر
اگمرم ذلّته باش صاحب وجدانم آنا
.
دوغرانان جسمیمی گورسن ایلمه داد و فغان
دینیمه یار و هوادار و نگهبانم آنا
.
رهبری نوکریمه قسمت اولا کرب و بلا
ایسترم حقدن اوزوم مایل و خواهانم آنا
.
#سبک_یارالی_جان_یارالی ( 4 سبک شامل سبک های کربلا_منتظر_ماست … گل_حلال_ایله_منی … شهریاریمسن_آقا … یارالی_جان_یارالی )
.
ـــــــــ
برای مشاهده شعر مرحوم صراف تبریزی با مصرع اول این شعر ( گل حلال ایله منی، عازم میدانم آنا ) کلیک کنید
.
#اکبریه_شهادت
#گل_حلال_ایله_منی_عازم_میدانم_آنا
#رهبری_تبریزی
#ترکی
.
✍️ #زبدةالاشعار ✍️
?: @nohe_torki
عالی بود تبارک الله, عندالله اجرکم
سلام سرور گرامی
از حضورتان سپاسگزارم
خداوند روح هر دو شاعر بزرگوار ( صراف و رهبری ) را قرین رحمتش کند ان شاءالله