زبدةالاشعار

سوز غمدن اود دوتوب اودلاندی اکبادیم باجی #قاسمیه_رجایی_تبریزی

زبان حال امام حسین (ع) در شهادت حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
مرحوم رجایی تبریزی
.
سوز غمدن اود دوتوب اودلاندی اکبادیم باجی
هارداسان قانه بویاندی تازه دامادیم باجی
.
.
ویر خبر آماده اولسونلار خواتین حجاز
قاسمون نعشین گتوردوم ایلسونله پیشواز
احترامین ساخلیون دامادیم اولسون سرفراز
دین یولوندا ویردی جان بو سرو آزادیم باجی
.
.
قارداشیم اوغلی ایله همّت نشان ویردی بوگون
سو یرینه گلشن اسلامه قان ویردی بوگون
ریزه ریزه دوغرانوب لب تشنه جان ویردی بوگون
مرشد حقّم، ایدوب تأثیر ارشادیم باجی
.
.
بیر ولا اهلی بو نوعیلن بلانی آلمیوب
بیر بدن سُمِّ ستور آلتندا هرگز قالمیوب
بیر شهیدون پیکیرین دشمن بو حاله سالمیوب
نعشنی گوردوم اوجالدی عرشه فریادیم باجی
.
.
آخر عمرومده سالدی من غریبی یادینه
خیمه دن گوردوم بالام سسلور منی فریادینه
ایستیدوم جان ویرمه موش امّا یِتَم امدادینه
ویرمدی اَمّا ثمر صد حیف امدادیم باجی
.
.
آختاروردوم نعشین امّا ویرمدی دشمن مجال
مصرعنده قاسمون باشلاندی بیر جنگ و جدال
نعشنی آتلار ایاقینده ایدوبلر پایمال
حسرتندن قانه دوندی قلب ناشادیم باجی
.
.
گوردوم از بس اوخ ووروبلار پیکر زیبا سنه
یاندی قلبیم دوندی جام دیده قان دریا سنه
گوز یاشیم شبنمدی گل تک دوغرانان اعضا سنه
عالم معناده آغلار قالدی اَجدادیم باجی
.
.
جسمنه وورموشدی یاره بس که اشرار زَمن
پیکر مجروحنی گوردوم چیخوب شیرازه دن
آلموشام چوخ زحمتیله نعشنی آغوشه من
غصّه دن اولدی خمیده قدّ شمشادیم باجی
.
.
وار یری قان آغلاسا بو ماتمه آل عبا
خوردا قیزلار اللرینده ساخلاسون شمع عزا
بیر نفر دورسون عروسون باشنه سالسون قرا
آغلاسون یانسون بو حاله جمله اولادیم باجی
.
.
رسم دور گُل دسته سی داماده ایلّه لر نثار
گل تاپولماز کربلاده چون خزان آثاری وار
نعشنه سپسون گلاب اشکنی خورد و کُبار
ایلسون شرکت بو غمده جمله افرادیم باجی
.
.
ویرموشم اوّلده سوز خلّاق بی همتایه من
اِیتمرم هرگز تخلّف ویردیقوم امضایه من
کربلایه گلموشم اوز عهدیمه ایفایه من
بو آخان قانلار اَلیمده اولدی اَسنادیم باجی
.
.
دین اسلامون یولوندا دوزموشم هر زحمته
جانمی توش ایلدوم درد و ملال و محنته
ایتمرم هرگز شکایت صبر قیلّام شدّته
صبری تعلیم ایلیوب اوّلده استادیم باجی
.
.
کاش اولِیدی کربلا دشتنده قارداشیم حَسن
تا گورِیدی اوغلونا طوی دوتموشام نه نوعلن
اللریم قانه باتوب طوی خلعتین ایتدوم کفن
رحمه گلدی دشمن خونخوار و بیدادیم باجی
.
.
ای «رجائی» اختلافی دور اگرچه مسئله
بعضیلر اشکال ایدر بو طویدا سوز وار دور هله
سن بو سوزدن اَل گوتورمه یاخشی سوز سالدون اله
سوز غمدن اود دوتوب اودلاندی اکبادیم باجی
.
.
.
#قاسمیه #رجایی_تبریزی
#قاسمیه_شهادت
#سوز_غمدن_اود_دوتوب_اودلاندی_اکبادیم_باجی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای زهرۀ زهرا شرف عالم خلقت #فاطمیه_فخر_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی