زبدةالاشعار

سویدولار سویقونچولار اکبر آلان گوشوارمی #حضرت_رقیه_بلادی_اردبیلی

سوال و جواب حضرت رقیه با رأس پدر
(بیت اول :زبانحال حضرت رقیه (س) ، بیت بعدی : جواب امام حسین (ع) )
.
✍️ زبدة الاشعار ✍️
.
?: @nohe_torki
.
بلادی اردبیلی
.
سویدولار سویقونچولار اکبر آلان گوشوارمی
باغلادی عمم یارالی اللریلن یارمی
.
اکبر و اصغر وورانلارغارت ائتدی گلشنی
سویدی اخیامی سویانلار کهنه بیر پیراهنی
****
ظهر عاشوراده سن غارتده هاردیدون بابا
دامنیم اوددا یانان ساعتده هاردیدون بابا
.
جسمووه قمچی دگن ساعتده اوردیدیم قیزیم
سن قاچاندا چوللره غارتده اوردیدیم قیزیم
****
خیمه لر یاندی کول اولدی دادیمه سن گلمدون
ویردیلار سیلی منه امدادیمه سن گلمدون
.
آغلادی یارم قیزیم بو درده،اوخلار قویمادی
سن منی آغلار چاغیردون داش وورنلار قویمادی
****
گوزلریمدن اود چخاندا وای دئدیم
سیلی ضربیندن ننم زهرایه من لای لای دئدیم
.
سیلی دردیندن قیزیم من نیزه اوسته آغلادیم
یادیمه دوشدی ننم زهرا قیزیم دیل دغلادیم
****
دیلدن عرشه قوزانوردی اودلی افغانیم منیم
آختاروردی اکبری بو چشم گریانیم منیم
.
دامنون مثلی رقیه اودلانوردی لبلریم
داشلانوردی قانلی مقتلده یارالی پیکریم
****
خیمه میز یاندی داغیلدوق دیده گریان چوللره
قمچی اوستن قمچی دگدی یاره لی بلبللره
.
قلبی یاره باش یارا من نینوادیدیم قیزیم
آت قباقینده قاچاندا کربلادیدیم قیزیم
****
نصف شب مقتلده گلدیم من سنه یاس ساخلادیم
حنجروندن قان آخدی من بابا قان آغلادیم
.
منده گلدیم غملی بو ویرانه ده دیل داغلیام
نیلی صورتدن ئوپوب شام غریبان ساخلیام
****
من بابا ویرانه ده دیل یاره سیندن یانموشام
قلبیمی آهیم بولوبدور چوخ گئجه آج قالموشام
.
طشت زرده بوغمونده منده آغلیدیم قیزیم
فاطمه قلبین سنون دردونده داغلیدیم قیزیم
****
قبره زهرا تک گئدر سینمده محنت یاره سی
قلبیمی درده سالوب تیر شماتت یاره سی
.
منده عباسیم ئولن ساعتده محنت گورمیشم
آی ننمین اوخشاری منده شماتت گورمیشم
****
گوزلریم قربان سنه وار گوزلرونده کول بابا
خیزران داش یارسی الموش منه نیسگل بابا
.
آغلورام بودردووه قانلان دولوب گوزلر قیزیم
زخم مسماره ویرور اود، دوزلی بو سوزلر قیزیم
****
سن ئوپن رخساریمی سیلی ائدوبدور یاسمن
ای کفنسیز دفن اولان یوخدور اگر ئولسم کفن
.
گودی گودالیده باشسیز یئخیلمشدیم قیزیم
آغلاما مقتلده قارداشسیز یئخیلمشدیم قیزیم
****
نوعروس قاسمی لیلانی ماتم یاندیرور
عمه می بیر جوت اوزون قول قانلی پرچم یاندیرور
.
دورت یاشیندان هر نفس کرب وبلادی زینبه
ال آچوبدور دیده سی گریان #بلادی زینبه
****
.
#حضرت_رقیه_شهادت
#سویدولار_سویقونچولار_اکبر_آلان_گوشوارمی
#بلادی_اردبیلی
#ترکی
.
✍️ #زبدةالاشعار ✍️
.
?: @nohe_torki

متن پیشنهادی:  کفن ائدوبدی خلاصه شه زمن حسنی #حسنیه_غمکش

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی