شیعۀ پاک حیدری صادقی صدقیلن تانور #صادقیه_معروف_اهری

مدح و شهادت حضرت امام جعفر صادق علیه السلام
..
..
معروف اهری
..
..
شیعۀ پاک حیدری صادقی صدقیلن تانور
شاه ولا کمکلری صادقی صدقیلن تانور
تشنۀ جام کوثری صادقی صدقیلن تانور
سالک خط رهبری صادقی صدقیلن تانور
رهرو راه جعفری صادقی صدقیلن تانور
..
..
لطف حق تعالیدن شأن و مقامی عالیدی
علم صفای طینتی مهر و وفا خصالیدی
گل بو گل محمدین محو گل جمالیدی
مذهب جعفری اونون مکتب بی مثالیدی
سوزلری دّرُ نابیدی قیمتی وار بهالیدی
کیم بیله قدر گوهری صادقی صدقیلن تانور
..
..

شکر خدا امیر ائدوب بیزلره شاه لایقی
قدرت بی مثالیلن علم وئروبدی خالقی
عشقده تک ستاره دی عالم اولوبدور عاشقی
کیم یاشاسا ستاره سیز فوته وئروب دقایقی
هم عرب وعجم بیلور شأن امام صادقی
کرد و بلوچ و آذری صادقی صدقیلن تانور
..
..

غمکدۀ مدینه ده دولت مستدامی وار
کنز نهان عشقده تک دگول اوچ امامی وار
رهبر با لیاقت و دلبر خوش کلامی وار
دوزدی ضریحی یوخ ولی چوخ اوجا بیر مقامی وار
شام و سحر حضورینه فاطمه نون سلامی وار
یعنی حیالی مادری صادقی صدقیلن تانور
..
..

عاشق باغ معرفت باغ جنانی خوشلاماز
اهل دل و وفاق اولار رنگ و حنانی خوشلاماز
مکتب جعفریه ده غیر خدانی خوشلاماز
هیئته دوز گلوب گئدر ریب و ریانی خوشلاماز
چخسون او گوز که چپ باخار بزم عزانی خوشلاماز
مادح و سینه زنلری صادقی صدقیلن تانور
..
..

صادق او کسدی عمرینی وقف شریعت ایلدی
امت حیدره اؤتور دورت ایل امامت ایلدی
دولت عشقی درک ائدن صادقه بیعت ایلدی
مکتبینه گلنلره لطف و عنایت ایلدی
دورت مینه بالغ عاشقین پیر طریقت ایلدی
منشی باب و دفتری صادقی صدقیلن تانور
..
..

ساخلادی حق لواسینی سینۀ عشق سینه ده
ووردی سپاه دشمنه حیدرین اوغلی سر زده
دین خدانی قویمادی ستر اولا پشت پرده ده
کفر و عناد ریشه سین خشک ائلیوبدی نطفه ده
کلمه یا حسینیلن فاتح اولوبدی جبهه ده
جبهۀ علم سنگری صادقی صدقیلن تانور
..
..

ایستدی تا خلیفۀ عصر جنایت ایلسون
صادقه حمله ایلیوب قتل امامت ایلسون
نقشه چکوبدی بارها قصرینه دعوت ایلسون
عصرون امامین اینجیدوب کسب مسرّت ایلسون
آل علی سلاله سین غرق مصیبت ایلسون
فارغ از اینکه داوری صادقی صدقیلن تانور
..
..

نقشه چکوبدی هر قدر نقشه سی نقش آب اولوب
گاه ووروبدی صادقین اوت ائوینه خراب اولوب
گاهی اهانت ایلیوب قلبی یانوب کباب اولوب
هر نه ائدوب خلیفه ئوز دامنینه عذاب اولوب
تابع اولوبدی نفسینه وارد منجلاب اولوب
چون که خدای اکبری صادقی صدقیلن تانور
..
..

عاقبت ئوز مرامینه چاتدی زمان خلیفه سی
شیعه نی داغدار ائدوب روبه پستین حیله سی
نیّت شومیلن وئروب صادقه زهر میوه سی
جور و جفائیلن دوشوب مشگله گون طلیعه سی
بستره دوشدی جان عشق اولدی عزا زمینه سی
رخت عزا گینلری صادقی صدقیلن تانور
..
..

بیر گونی بیر صحابه سی گلدی حضور رهبره
گوردی وجود حضرتی یاندی او حال مضطره
آغلادی های هائیلن داغلادی دل او سروره
عرض ائدوب ای منیم آقام ای گل باغ طاهره
چوخ بدنون ضعیف اولوب آغلیورام بو خاطره
کیم گوره حال مضطری صادقی صدقیلن تانور
..
..

وئردی جواب آغلادی شیعۀ پاک و اطهریم
زهر عنادیلن منیم دوزدی یانوب جگرلریم
صاق صولا دونموشم ز بس تنگه گلوبدی بستریم
یوخدی گلایه راضیم گر اولا راضی دلبریم
شهد شهادت ایچمه سم ناقص اولار عمل لریم
جرعۀ عشقه مشتری صادقی صدقیلن تانور
..
..

وصل و فراق گوئیا واردِ رزم و جنگ اولوب
داشین آتوبدی آیریلیق عمر نشان سنگ اولوب
وقت سفر یتوب منه عمر قطاری لنگ اولوب
جان یغیشوب دوداقیمه گوش به نازِ زنگ اولوب
سینه یانور ولی ئورک جدّیم حسینه تنگ اولوب
یاده دوشور محن لری صادقی صدقیلن تانور
..
..

جان وئرورم ولی منیم نعشیمی یوخ ایاقلیان
دفتر داستان کیمی جسمیمی یوخ وراقلیان
ایندی یارالی سینه می یوخدی دوباره داغلیان
واردی منیم ئولن زمان باشیمون اوسته آغلیان
جدّیم ئولنده گوزلرون اولمادی بیرجه باغلیان
روح الامینون اللری صادقی صدقیلن تانور
..
..

جدّیمون اولدی سینه سی تیر بلایه مبتلا
جدّینه بنذر اوغلونا ووردولا سربه سر یارا
اللری اوسته اوخلادی صودامر اوغلون اشقیا
وئردی گلاب غنچه سی جنّته دوندی کربلا
کرب و بلا دیارینه دوشدی نوای نینوا
ثابت ائدوب که اصغری صادقی صدقیلن تانور
..
..

جدّیم حسین ئولن زمان چکدیله داغ ئورکلره
مقتله دوشدی باغبان صدمه یتوبدی گل لره
ووردولا اوت خیامینه عترتی دوشدی چوللره
حقّینی داندی ساربان اللری دوشدی اللره
کوفه ده قانلی باشینون صحبتی دوشدی دیللره
بستر ائدوبدی کوللری صادقی صدقیلن تانور
..
..

من ئولورم ولی منه یوخدی شماتت ایلین
دور و بریمده دورمیوب ظلم و جنایت ایلین
سینمون اوسته چخمیوب دینه خیانت ایلین
کرب و بلاده اولمادی حقه حمایت ایلین
فلسفۀ شهادتین اولسا روایت ایلین
شاه و گدا و نوکری صادقی صدقیلن تانور
..
..

وار یئری جاری ایلیم تشنه شهیده گوزیاشین
اول شه بی پناهه که آلدیلا یار و یولداشین
سینه ده داغ اکبری گوردی یارالی قارداشین
آتدیلا کوفه ملتی باشینه درد و غم داشین
پیکری دوشدی مقتله نیزیه ووردیلار باشین
ناقه نون اوسته ائللری صادقی صدقیلن تانور
..
..
..
#صادقیه #معروف_اهری #صادقیه_مدح #صادقیه_شهادت #ترکی #زبدةالاشعار