زبدةالاشعار

غزال پهنۀ خاور مدافعین حرم #مدافعان_حرم_مصیبی_تبریزی

تقدیم به مدافعان حرم
.
.
محمد علی مصیبی تبریزی
.
.
غزال پهنۀ خاور مدافعین حرم
صفای قلب پیمبر مدافعین حرم
نماد صولت حیدر مدافعین حرم
همای عزته شهپر مدافعین حرم
مدال سینۀ رهبر مدافعین حرم
دلاوران مُظفّر مدافعین حرم
اولوبلا شیعیه مفخر مدافعین حرم
.
.
اولار کی حیدر کراریدن آلوبلا دمین
حریم زینبه وورمیشلا نینوا علمین
حصار ایمنه سالمیشلا زینبین حرمین
چکوبله لوح وقار اوستونه شرف قلمین
تیکوبله گوز یولا گورسونله شیعه منتقمین
دمشقیده قویا تا گوزلر اوستونه قدمین
قیام مهدیه یاور مدافعین حرم
.
.
اولار کی راه شرفده وئروبله قانلارینی
ائدوبله تیر بلایه نشانه جانلارینی
آچوبلا کشتی عشق اوسته بادبانلارینی
وئروبله مدرسۀ حقده امتحانلارینی
بیلوندیروبله نفاق اهلینین یالانلارینی
گئدن گئدوبدی گلون درک ائداق قالانلارینی
مهاجرین مطهّر مدافعین حرم
.
.
اگر شهید اولالار دین یولوندا چون عمّار
و یا کی دوغرانالار همچو میثم تمّار
و یا چکیلسه له حلّاج تک بولار سرِ دار
گینه بیلون کی آزالماز بو گرمی بازار
بعشق حضرت زینب جوشار دامارداکی ثار
ائدلـله قانلارینی اعتلای دینه نثار
به نام نامی حیدر مدافعین حرم
.
.
قمار عشقیده والله اوتوزماز اهل ولا
کفن گیوب اولار آماده عاشقان بلا
ایچلله جام شهادت سلیل و پابرجا
سالاللا پیکر کفاری لرزیه حقّا
بیرینده جرأت اولار چپ باخا بونا آیا؟
بهشت حقدی بو کالای پربهایه بها
اولالّا جنته زیور مدافعین حرم
.
.
اکوبدی بذر نفافی وهابی بی دین
یاراتدی داعش و اَلنُّصره نی ائدوب تمکین
اولار جنایت ائدنده بولار تاپوب تسکین
یوخ اعتقادی به یوم معاد و یوم الدین
گوزوم او گونلری گوزلور گورم به عین یقین
توکوب فلاکت آل سعودی نین طرحین
مجاهدین دلاور مدافعین حرم
.
.
اولوبدی داعشه بغدادیِ دغا بانی
او کس کی ایستوری آلسون زمام دنیانی
او کس کی ایستوری ویرانه ائتسون ایرانی
او نابکاره دیون گوزلرین سیله آنی
سپاه قدسیدا وار بیر شجاعتین کانی
قلندر علوی قاسم سلیمانی
باشین ایر اونا یکسر مدافعین حرم
.
.
قسم حریم ولایتده کی احبایه
قسم شرافت عشقه قسم تولایه
قسم ستاره لره آند اولا گونه آیه
بیری اگر باخا چپ دودمان زهرایه
بیر ایش گورلـله اونا خادمان حق پایه
کی گویده گویلرون اهلی چیخار تماشایه
حدیث غیرتی ازبر مدافعین حرم
.
.
وهابی ؛ درده گلوب شیعه جانی سیزلردن
گلر او گون سیلروخ بیز جهانی سیزلردن
نه مروه ، سعییله آللوخ صفانی سیزلردن
حریم کعبه ده حِلّ و منانی سیزلردن
مدینه ده حرم مصطفانی سیزلردن
بقیعده مسند خیرالنسانی سیزلردن
ائدر بو امری میسّر مدافعین حرم
.
.
وهابی ؛ شیعه سنی عاقبت فِکار ائده جاق
بو شیر ، روبه اقبالیوی شکار ائده جاق
مدافعین حرم کعبه نی حصار ائده جاق
ئوز عشقینی او گوزل قبلیه نثار ائده جاق
رژیم آل سعودی نی تار ومار ائده جاق
حکومت علوی اوردا برقرار ائده جاق
به اذن حضرت داور مدافعین حرم
.
.
بو دوزدی فتنیه وهّابیت اولوب بانی
دیوم بیلون؛ولی کیم سیخدی قلب طاهانی
اولوبدی بانی اصلی بو ایشلره ثانی
او مجلسی که وئریلدی سقیفه عنوانی
اولار چکوبله اوتا دودمان زهرانی
بلا چولونده بو اود یاندیروب احبّانی
اود ایچره اولدیلا مضطر مدافعین حرم
.
.
چکیلدی آتش غارت حریم قرآنه
آلیشدی نار بلا خیمه لرده طفلانه
هوسلنوبدی قشون دودمان سلطانه
او دم سوسوز بالالار یوز قویوب بیابانه
قوجاقلیوب لر اولار بیر بیرین یانا یانه
نه چکدی زینب بیکس او گون غریبانه
اولاندا هر بیری پرپر مدافعین حرم
.
.
تصور ائت او زمانی ، کی اوج غارتیدی
او چولده خورداجا قیزلار دچار وحشتیدی
بیری یوزی یارالانمیش قولاق جراحتیدی
بیری باشیندا الی بس کی بانجابتیدی
بو امره کون و مکان غرق بهت و حیرتیدی
دۆیَن و هم دۆیۆلن امت رسالتیدی
دوشوب نه حاله سراسرمدافعین حرم
.
.
«مُصیّبی» قلمین گلدی داده عشق اولسون
سوزونده کی هدف و اعتقاده عشق اولسون
اوگون کی حق دوشه کلّ بِلاده عشق اولسون
دمشقه بیزده گئداخ پا پیاده عشق اولسون
نماز صبحی قیلاق سامراده عشق اولسون
آچاق حسین علمین کربلاده عشق اولسون
ائدر جهانی مُسخّر مدافعین حرم
.
.

متن پیشنهادی:  یازام مقام علیدن قلمده یوخدی توانا #حیدریه

#انتقام_سخت #قاسم_سلیمانی #ترکی #مصیبی_تبریزی #مدافعان_حرم #زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی