روضۀ #ذوالجناح
.
زبدة الاشعار
?: @nohe_torki
.
مرحوم سعدی زمان
.
سو کیمی رخساره گوز یاشین رواندور ذوالجناح
هاردا یخدون صاحبون گل نطقه آندور ذوالجناح
.
.
تشنه گئتمیشدی گئدنده رزمگاهه شاهِ دین
وئر خبر آیا اونا سو وئردیلر بو اهل کین
تشنه کام ئولدوردولر یا آل حیدر شاهدین
سو وئرن خنجر دمینده لخته قاندور ذوالجناح
.
.
دلده ذکر «الظلیمه» باشدا غوغا گلموسن
راکبون گویا یخوب اوستوندن اعدا گلموسن
عزّت زینون قالوب بس هاردا تنها گلموسن
گوزلرون مخذول اولان تک خونفشاندور ذوالجناح
.
.
ایندی گوردوم سس گلور تشکیل قتلی تئز قورون
قانیله بو بی پناهون قتلگاهون دولدورون
قارداشی یوخدی گله فریاده یاقوزدور وورون
من آلاندن بو سسی شغلوم فغاندور ذوالجناح
.
.
نه گلوب مظلوم آتام باشینه حالون فاش ائدیر
سرنگوندور زین لجامون قانلودور یردن گئدیر
گَل گئداخ گوستر گوروم خنجرلر آلتدا غش ائدیر
جان وئریب، یا احتضار اوندا عیاندور ذوالجناح
.
.
صاحبون اوسته نقدر اشرار کوفه اوخ آتوب؟
سنده بیله باش باشا سنبل کیمی اوخلار چاتوب
وار نه علّت یال و بال و کاکلون قانه باتوب
صاحبونده اوخلارا بیله نشاندور ذوالجناح؟
.
.
قالمادی طاقت خیامه گلماقا سلطانیده
اولمادی گیرم ترحّم لشگر عدوانیده
سن نیه قویدون یارالی پیکرین میدانیده
اهل بیتی بُلمدون سینه زناندور ذوالجناح
.
.
ای سسی امّید قلب اهلبیت بی پناه
سن ئوزون گوردون یارالیدی قوری یرلرده شاه
یا ئولن بیر ئوزگه سیدی ایلیوبسن اشتباه؟
واضحین بو مطلبین کشف ائت اماندور ذوالجناح
.
.
گون کیمی شرق خیم دن ایندی ایتمیشدی طلوع
هانسی مغربده غروبی وئر خبر تاپدی وقوع
گون باتوب معلوم اولان ظلمات شب ایلوب شروع
اختران برج دین چشمک زناندور ذوالجناح
.
.
بو نه عالمدور نه شور ، ای هدهد نیکو سیَر
وار سلیمانِ زمان باشیندا نه غوغا مگر؟
گلموسن بلقیس رو اطفاله وئرماقه خبر
اهل کوفه پیرو اهریمناندور ذوالجناح
.
.
ای همایون پیک فرّخ بال سلطان سبا
سن دگولدون بی وفا آیا بودور رسم وفا؟
تک قالوب بیر ایله دشمن ایچره شاه کربلا
گور اونی ترک ایلماق لایق بو آندور ذوالجناح؟
.
.
چون بابام سو وعده سی وئرمیشدی آل حیدره
تا سنون شیحه سسون گلدی خیام اطهره
خورداجا قیزلار سووندی دیشره چخدی یکسره
دل امیدی یأسه دونماق چوخ یاماندور ذوالجناح
.
.
قیرخا دین مجنون نما لیلی ملول و اشکبار
خیمه لرده گوزلری یولدا چکوللر انتظار
گلمییدون کاش بو حالیله محزون و فکار
گورمییدون خوردا قیزلار نوحه خواندور ذوالجناح
.
.
ایلوری دلدن « حسینی» روز و شب چون نی، نوا
صبرین الدن طاقتون دلدن آلوبدور نینوا
خاک سُمّون ایلسون آغلار گوزینه توتیا
چوخدی شائق تک نه «سعدیّ زماندور» ذوالجناح
.
#سبک_زینبم_جان_اوستیم (بیش از 4 سبک)
پخش‌کننده صوت
#حسینیه_شهادت
#قتلگاه
#سعدی_زمان
#سو_کیمی_رخساره_گوزیاشین_رواندور_ذوالجناح
#چهارده_معصوم_حسینی ص 150
#ترکی
.
#زبدةالاشعار
?: @nohe_torki
: @nohe_torki . سبک اصلی #سبک_الهی_غملی_کوفه_نون (#جوادی) #سبک_دل_شب_ایلیوب_سفر . #سبک های دیگر : (با اضافه کردن واگیر) #سبک_الهی_دفن_ایدیم_نجه #سبک_تا_مشکتو_تو_آب_زدیبیشتر
نظر دهید