«تنور خولی»
.
.
#سبک_دل_شب_ایلیوب_سفر … (4 سبک سینه و زنجیر)
سبکهای مشابه دیگر (با اضافه کردن واگیر) #سبک_الهی_دفن_ایدیم_نجه … #سبک_الهی_غملی_کوفه_نون … #سبک_تا_مشکتو_تو_آب_زدی … #سبک_حسین_دوشوبدی_مقتله …
.
مصیبی تبریزی
.
.
آنا ؛ کول اوستیَم ندن
نه سن سوروش نه من دییوم
هانی او دوغرانان بدن؟
نه سن سوروش نه من دییوم
.
.
.
کول اوسته بو قوناقیدن
بو قان دولان دوداقیدن
بو آتش فراقیدن
نه سن سوروش نه من دییوم
.
.
.
آنا او قانلی سینه دن
او خورد اولان خزینه دن
رقیه دن سکینه دن
نه سن سوروش نه من دییوم
.
.
.
تاپیلمادی ندن کفن
هانی او کهنه پیرهن
کیم اولدی باشیمی کسن
نه سن سوروش نه من دییوم
.
.
.
آچیلدی یول خوارجه
سویولدی خیمه لر گئجه
گلوبله غارته نئجه
نه سن سوروش نه من دییوم
.
.
.
کیم اولدی قدّیمی بوکن
کیم اولدی قانیمی توکن
کیم اولدی سینمی سوکن
نه سن سوروش نه من دییوم
.
.
.
هایاندا صولدی گوللریم
ندن داغیلدی ائللریم
هاچان کسیلدی اللریم
نه سن سوروش نه من دییوم
.
.
.
آنا ئورکده رازیدن
او قانلی دستمازیدن
بو نحر اولان بوغازیدن
نه سن سوروش نه من دییوم
.
.
.
دوشندن اللره باشیم
دونوبدی قانه گوزیاشیم
یاتوب هایاندا قارداشیم
نه سن سوروش نه من دییوم
.
.
.
هانی علی اکبریم
بابام رسوله بنزریم
اذان وئرن دلاوریم
نه سن سوروش نه من دییوم
.
.
.
سوسوز قالاندا خیمه لر
نه حاله قالدی صودامر
آنا بالا چکوب نلر
نه سن سوروش نه من دییوم
.
.
.
ندن رباب بی کسین
کیم آلمادی حزین سسین
خزان ساراتدی غنچه سین
نه سن سوروش نه من دییوم
.
.
.
ندن بالاسی آغلادی
آناسی سینه داغلادی
قولون طنابه باغلادی
نه سن سوروش نه من دییوم
.
.
.
صفای قتلگاهیدن
وفای ذوالجناحیدن
ئورکده سوز آهیدن
نه سن سوروش نه من دییوم
.
.
.
دوتانداشمری قان گوزون
سالاندا مقتله ئوزون
«مُصَیّـبین»ئورک سوزون
نه سن سوروش نه من دییوم
.
.
.
#تنور_خولی #مصیبی_تبریزی #ترکی #زبدةالاشعار
نظر دهید