سپن سو سینه ده سوز نهانه گوز یاشیدی #حسینیه_کریمی_مراغه_ای

گوز یاشی
.
#زبدةالاشعار
.
: @nohe_torki
.
کریمی مراغه ای
.
سپن سو سینه ده سوز نهانه گوز یاشیدی
رموز مسئله ی عاشقانه گوز یاشیدی
.
خدا بهشتی بهایه وئرر بهانیه یوخ
همان بهای بهشته بهانه گوز یاشیدی
.
اورک که یانماسا گوزدن چتیندی یاش چیخسین
اورکده گیزلنن عشقه نشانه گوز یاشیدی
.
اورک سوزی او رگه اگلشر اورک داغلار
او دور نتیجه وئرن نوحه خوانه گوز یاشیدی
.
اورک سیخیلماسا گوزدن که قطره یاش چیخماز
ستاره تک النن شاهدانه گوز یاشیدی
.
اجابته یتورن هر دعانی مرکز ده
نتیجه ی خلوات شبانه گوز یاشیدی
.
حسینه عشقوین اندازه سین اوزون بولوسن
او پاک عشقی چکن امتحانه گوز یاشیدی
.
آتایه آغلیانین اجرینی اوغول وئره جاق
تسلّی مهدیِ صاحب زمانه گوز یاشیدی
.
اوزی بویورمیش اَنَا فِی قُلوب منكسره
مكان وئرن اورگی لامكانه گوز یاشیدی
.
خدادی مشتری آغلار گوزه بینان اورگه
بینان سینان اورگه پشتوانه گوز یاشیدی
.
آقام اوزی بویوروبدی اناالقتیل العِبر
وئرن همیشه شهادت او قانه گوز یاشیدی
.
رقیه نین گوزینون یاشی یخدی ظلمین ائوین
صباحی شام ائلین شامیانه گوز یاشیدی
.
«کریمی» ام گر الیم بوشدی مال دنیادن
الیمده دسته کلید خزانه گوز یاشیدی
.
.
#حسینیه_کریمی_مراغه_ای
#گوزیاشی #ورود_محرم
#سپن_سو_سینه_ده_سوز_نهانه_گوز_یاشیدی
#ترکی
.
#زبدةالاشعار
.
: @nohe_torki