زبان حال حضرت امام حسن (ع)
خطاب به خواهر در عزای پدر
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
گل باجی زینب الدن شاه حجاز گئتدی
اولدی نمازه قربان رکن نماز گئتدی
گل داده زینب آغلا
شوریله سینه داغلا
.
.
گئتدی بابام بو کوفه ذوق و صفاسیز اولدی
بیمارلر دواسیز قالدی دواسیز اولدی
مضطرّ لر قالوب آج نان و غذاسیز اولدی
بیر باب یأس ایتدی ایتامه باز گئتدی
.
.
راز و نیاز ایدنده راز ونیازه عاشق
سوز و گداز تاپدی سوز و گدازه عاشق
باش سجده ده یخلدی دوشدی نمازه عاشق
محرابه یازدى قانی حکم نماز گئتدی
.
.
افسوس گتدى قبره درمانده لر پناهی
توپراق لار آتدا یاتدی اسلام پادشاهی
مسجد ده حیف قالدی خالی نماز گاهی
قویدی او سجده گهده قان جانماز گئتدی
.
.
سر خیل اهل عرفان مجروح سر یخیلدی
اُؤز فرقینه قویوب بیر تاج ظفر یخیلدی
شرّ بشر الیله کیف بشر یخیلدی
تاج شرف باشندا چوخ سر فراز گئتدی
.
.
أیتمیشدی یار دعوت مهمان باشندا یاره
مشتاقیدی یتشسون بزم لقای یاره
فرقینده یاره سالدى یول مجلس نگاره
باش یاره سیله آلدى بیر امتیاز گئتدی
.
.
اولدی خلاص أؤزی بیز غرق ملال قالدوخ
پرگاریمیز پوزولدی پژمرده حال قالدوخ
بیر پر شکسته قوش تک بی پرّ و بال قالدوخ
اوج علایه آچدی پر شاهباز گئتدی
.
.
دفن ایتدوق اول عزیزی بیر دردیمیز مین اولدی
اُؤز فاطمه آنام تک تدفینی گیزلین اولدی
هم دفنی گیزلین اولدی هم قبری ایتگین اولدی
دللرده قویدی اودلی سوز و گداز گئتدی
.
.
افسوس آتام دلیندن نطق و بیان کسیلدی
گلدسته دن صدای جان جهان کسیلدی
ركن هدا پوزولدی صوت اذان کسیلدی
محرابدن صفای راز و نیاز گئتدی
.
.
پرورده ایلمیشدی دلده بو اشتیاقی
باغ جنان دا اولسون پیغمبرین قوناقی
ترک ایتدی بو جهان فانینی وجه باقی
محمود دینه مهمان مجروح ایاز گئتدی
.
.
از بسکه مین غمیله قلب ملولی دولدی
دین دردی دلده آرتدی رنگ شریفی سولدی
آخرده حقّه قربان مظلوم اوّل اولدی
اولدی قتیل تیغ دست مجاز گئتدی
.
.
دوشدی نجه خسوفه سن ماهدن سئوال ایت
قلبینده کی نوای گه گاهدن سئوال ایت
دردین دیردی چاهه گیت چاهدن سئوال ایت
نه دردیله دیسون تا یاره فراز گئتدی
.
.
چوخلار تیکوب یولا گوز وار زیر لبده سوزلر
چوخلار یولون گوزتلر یولدا قالوبدی گوزلر
یولدا گوزى قالان لار مظلوم امامی گوزلر
بیلمز یارالى الدن شاه حجاز گئتدی
.
.
آجلاردان ایمدی آجلیق تاب و توان آلوبدی
گوزدن دیولَّه نولموش مولا بیزی سالوبدی
بیله یوباندی هاردا امّیدیمیز قالوبدی
گلمز ندن دگیشدی طرز و طراز گئتدی
.
.
گتدی اَبوالیَتامی ایتام اولوب آتاسیز
قالدى نه چوخ آدامسیز بیمارلر دوداسیز
نه چوخ اَرامِل اولدی امّیدسیز رجاسیز
احبابی قویدی آغلار شاه حجاز گئتدی
.
.
گیزلین گیدوب ایدردی بیماردن عیادت
گیزلین ایدردی بی نان مضطر لره کفالت
دوشدی بابام آیاقدان معناسی تاپدی صورت
بیلدی هامی علیدور کشف اولدی راز گئتدی
.
.
سنده بتول ثانی وار فاطمه صفاسی
سنسن آنام بتولین آئینه و نماسی
سنسن ایوین صفاسی سنسن بو ایو آناسی
قویدی سنی یرینده بیر دلنواز گئتدی
.
.
اولدون عزالی زینب گل شوره سینه داغلا
شوریله سینه داغلا اشگین عذاره باغلا
سن اوخشا آغلیوم من من آغلیوم سن آغلا
قویدی بابام ودیعه سوز و گداز گئتدی
.
.
تائب ولا واروندور آمادۀ بلا أول
قرآن تلاوت ایله قرآنه آشنا اول
دین اوسته باش و جاندان گئچ دینوه فدا اول
مولا اولوب فدای دین و نماز گئتدی
.
.
.
#حیدریه_تائب_تبریزی
#حیدریه_شهادت
#گل_باجی_زینب_الدن_شاه_حجاز_گئتدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید